అయోధ్య తీర్పును స్వాగతించిన ప్రవాస భారతీయులు

అయోధ్యపై సుప్రీంకోర్టు తీర్పును అమెరికాలోని ప్రవాస భారతీయులు స్వాగతించారు. ఈ తీర్పుతో హిందూ - ముస్లిం ఇరు వర్గాలకు న్యాయం జరిగిందని అభిప్రాయపడ్డారు.

అయోధ్యపై సుప్రీం కోర్టు తీర్పును అమెరికాలోని ప్రవాస భారతీయులు స్వాగతించారు. దశాబ్దాల నుంచి కొనసాగుతున్న భూవివాదానికి అత్యున్నత న్యాయస్థానం ఇచ్చిన తీర్పులో.. హిందూ ముస్లిం ఇరువర్గాలకు న్యాయం జరిగిందని అభివర్ణించారు.

ప్రవాస భారతీయుల స్పందనలు:

"అత్యున్నత న్యాయస్థానం తీర్పు హిందూ-ముస్లిం ఇరు వర్గాలకు న్యాయం చేకూర్చేదిగా ఉంది. పురావస్తు శాస్త్రవేత్తలు, చరిత్రకారులు, భారతీయ న్యాయ వ్యవస్థ ఈ తీర్పు ద్వారా విజయం సాధించాయి."

-హిందూ అమెరికన్​ ఫౌండేషన్​.

"ఇరు వర్గాలకు సమతూకం చేస్తూ సుప్రీంకోర్టు తీర్పు ఇచ్చింది. భవిషత్యులో ఎటువంటి వివాదాలనైనా భారత న్యాయస్థానం పరిష్కరించడంలో సమర్థంగా పనిచేస్తుందనడానికి ఈ తీర్పే నిదర్శనం."

-ఫౌండేషన్ ఫర్ ఇండియా, ఇండియన్ డయాస్పోరా స్టడీస్(ఎఫ్​ఐఐడిఎస్​).

"రామ జన్మభూమి ఉద్యమం శతాబ్దాల పాటు వలసవాదానికి వ్యతిరేకంగా జరిగిన పోరాటానికి ప్రతీక. తీర్పును స్వాగతిస్తున్నాం. "

-ప్రపంచ హిందూ కౌన్సిల్ ఆఫ్ అమెరికా.

ఇదీ చూడండి : జీడీపీ ఆధార సంవత్సరం మార్పు నిర్ణయం సరికాదు!'