హిందూ సముద్ర ప్రాంత(ఐఓఆర్) భద్రతను దృష్టిలో ఉంచుకొని ఆ ప్రాంతంలో అప్రమత్తంగా ఉండాలని కేంద్ర ప్రభుత్వానికి నిపుణులు సూచించారు. వాస్తవాధీన రేఖ వెంబడే కాకుండా ఐఓఆర్ ప్రాంతంలోనూ తన స్థావరాలను విస్తరించుకోవడానికి చైనా దృష్టిసారించిందని వెల్లడించారు.
ఇదీ చదవండి-చైనా సైన్యం చేతిలో అధునాతన రక్షణ వ్యవస్థ
ఈ ప్రాంతంలో చైనా కదలికలను ఎప్పటికప్పుడు గమనిస్తున్న నిపుణులు ఈ మేరకు కేంద్రానికి విజ్ఞప్తి చేశారు.
"మాల్దీవుల్లోని ఫెయ్ధూ ఫినోల్హూ రిసార్ట్ ద్వీపం, శ్రీలంకలోని హంబన్టోట ఓడరేవులలో చైనా తన ప్రాదేశిక ఆస్తులు కలిగి ఉంది. అంతేకాకుండా మట్టలా అంతర్జాతీయ విమానాశ్రయం, కొలొంబో ఓడరేవు నగరం, ఎక్స్ప్రెస్ వే ప్రాజెక్టులపై వేల కోట్లు పెట్టుబడిగా పెట్టింది. ఇవన్నీ భారతదేశం జాగ్రత్తగా ఉండాలని చెప్పే పరిణామాలు."
-ఎన్ సత్యమూర్తి, అబ్జర్వర్ రీసెర్చ్ ఫౌడేషన్
ఫెయ్ధూ ఫినోలూను అబ్దుల్లా యామీన్ హయాంలో 4 మిలియన్ డాలర్లతో చైనా 50 ఏళ్లకు లీజుకు తీసుకుందని సత్యమూర్తి గుర్తు చేశారు. హంబన్టోట ప్రాంతాన్ని 99 సంవత్సరాలకు లీజుకు తీసుకుందని పేర్కొన్నారు. ఈ నేపథ్యంలో ఆయా దేశాలతో సంబంధాలను మెరుగుపర్చుకోవడానికి చర్చలు ప్రారంభించాలని కేంద్రానికి అభ్యర్థించారు.
"జపాన్, సింగపూర్లతో కలిసి తూర్పు శ్రీలంకలో త్రికోణమల్లే పోర్టును భారత్ అభివృద్ధి చేస్తున్నప్పటికీ.. ఈ సమూహాన్ని కలిపి ఉంచడం చాలా ముఖ్యం. చైనా తన ఈ ప్రాంతంలో విశ్వసనీయంగా ఎలా ఉందనేది ఆశ్చర్యకరం. ఐఓఆర్ దేశాలను మనకు వ్యతిరేకంగా నడుచుకునేలా చైనా ఒత్తిడి తీసుకురావచ్చు. ప్రస్తుతం భారత్ తనకోసమే కాకుండా పొరుగువారి కోసం కూడా అంతర్జాతీయ దేశాలతో చర్చించే స్థితిలో ఉంది."
-ఎన్ సత్యమూర్తి, అబ్జర్వర్ రీసెర్చ్ ఫౌడేషన్
తూర్పు ఆఫ్రికా సముద్రంలోని జిబౌటీలో ఓ నావికా స్థావరాన్ని ఇప్పటికే ఏర్పాటు చేసింది చైనా. 2017లో సరకు రవాణా కోసం నెలకొల్పిన ఈ స్థావరాన్ని క్రమంగా పూర్తి స్థాయి నావికాదళ స్థావరంగా మార్చింది. యుద్ధనౌకలను సైతం మోహరించేలా తీర్చిదిద్దింది. ఈ ప్రాంతం నుంచి మాల్దీవుల్లోని తన స్థావరాలకు చైనా చాలా సులభంగా చేరుకోవచ్చు.
ఇదీ చదవండి-జనాభా కట్టడి పేరిట ముస్లింలపై చైనా క్రూరత్వం
