'ఐదువారాలుగా కొత్త కేసుల కంటే రికవరీలే అధికం'

భారత్​లో రికవరీల సంఖ్య రోజురోజుకు పెరుగుతోంది. గత ఐదువారాల్లో కరోనా కేసుల కంటే కోలుకున్నవారే అధికంగా ఉన్నట్లు తెలిపింది కేంద్ర ఆరోగ్యశాఖ. అయితే మహారాష్ట్ర, కేరళ, దిల్లీ, బంగాల్​ రాష్ట్రాల్లో కేసుల పెరుగుదలపై ఆందోళన వ్యక్తం చేసింది.

దేశవ్యాప్తంగా ఆరువారాల తర్వాత మళ్లీ కరోనా కేసులు ఎక్కువ నమోదవడంపై ఆందోళన వ్యక్తం చేశారు కేంద్ర ఆరోగ్యమంత్రి డాక్టర్​ హర్షవర్ధన్​. దేశంలో కరోనా పరిస్థితిపై సమీక్ష నిర్వహించిన ఆయన.. అందరికీ కరోనా నిర్ధరణ పరీక్షలు చేయాల్సిందేనని అధికారులకు సూచించారు​. ర్యాపిడ్ యాంటిజెన్​ టెస్ట్​లో నెగెటివ్​ వచ్చినవారికి ఆర్​టీ-పీసీఆర్​ పరీక్షలు నిర్వహించాలని స్పష్టం చేశారు.

ప్రస్తుతం మహారాష్ట్ర, కేరళ, దిల్లీ, బంగాల్​లో​నే.. 50శాతం యాక్టివ్​ కేసులున్నాయని తెలిపింది ఆరోగ్య మంత్రిత్వశాఖ. మహారాష్ట్రలో 21.53శాతం, కేరళలో 16.12శాతం, దిల్లీలో 7.08శాతం, బంగాల్​లో 6.87శాతం క్రియాశీల​ కేసులున్నాయని మంత్రిత్వశాఖ గణాంకాలు విడుదల చేసింది.

రికవరీలే అధికం..

గురువారం ఒక్కరోజే 54,157 మంది కొవిడ్​ నుంచి కోలుకోగా... మొత్తం రికవరీల సంఖ్య 77 లక్షల 66 వేలకు చేరింది. గడిచిన ఐదు వారాలుగా కొత్త కేసుల సంఖ్య కంటే రికవరీలే ఎక్కువగా ఉన్నాయని మంత్రిత్వశాఖ పేర్కొంది.

ఈ గణాంకాలు గత ఆరువారాలుగా రోజువారి నమోదవుతున్న సగటు కేసుల సంఖ్యలో తగ్గుదలను సూచిస్తున్నాయి. ఆరు వారాల క్రితం రోజువారి సగటు కేసుల సంఖ్య 73,000 ఉండగా... ప్రస్తుతం ఆ సంఖ్య 46,000కు తగ్గింది. ఫలితంగా రివరీరేటు 92.32కు చేరింది.

ప్రస్తుతం దేశవ్యాప్తంగా 6.19శాతం యాక్టివ్ ​కేసులున్నాయని ఆరోగ్య మంత్రిత్వశాఖ తెలిపింది.

ఇదీ చూడండి:బిహార్ బరి: తుది పోరుకు సర్వం సిద్ధం