దేశంలో కరోనా కేసులు తగ్గాయి. తాజాగా 15,968 మందికి కొవిడ్ పాజిటివ్గా నిర్ధరణ అయింది. మొత్తం బాధితుల సంఖ్య 1 కోటి 4లక్షల 95వేల 147కు పెరిగింది. వైరస్ ధాటికి మరో 202మంది బలవ్వగా.. మృతుల సంఖ్య 1లక్షా 51వేల 529కి చేరింది.
రికవరీ రేటు ఇలా..
దేశంలో 16వేల దిగువకు కరోనా కొత్త కేసులు - మొత్తం కొవిడ్ కేసుల సంఖ్య
దేశవ్యాప్తంగా కొత్తగా 15,968 మంది కరోనా బారిన పడ్డారు. మరో 202 మంది వైరస్తో ప్రాణాలు కోల్పోయారు. తాజాగా 17వేల మందికిపైగా మహమ్మారిని జయించగా.. రికవరీ రేటు 96.43శాతానికి చేరింది.
భారీగా తగ్గిన కొవిడ్ కేసులు-16వేల దిగువకు కొత్తకేసులు
తాజాగా 17వేల మందికిపైగా వైరస్ నుంచి కోలుకున్నారు. ఫలితంగా కరోనాను జయించిన వారి సంఖ్య 1కోటి 1లక్ష 29వేల 111కి చేరింది. 2లక్షల 14వేల 507 యాక్టివ్ కేసులున్నాయి. దేశవ్యాప్త రికవరీ రేటు 96.43 శాతానికి ఎగబాకింది. మరణాల రేటు 1.44 శాతంగా నమోదైనట్టు కేంద్ర ఆరోగ్యశాఖ తెలిపింది.
దేశవ్యాప్తంగా మంగళవారం ఒక్కరోజే 8లక్షల 36వేలకు పైగా నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్) తెలిపింది. ఫలితంగా మొత్తం టెస్టుల సంఖ్య 18కోట్ల 36లక్షలు దాటింది.