దేశంలో భారీగా తగ్గిన కరోనా కొత్త కేసులు

దేశవ్యాప్తంగా కొత్తగా 10,064 కరోనా కేసులు నమోదయ్యాయి. మరో 137మంది కొవిడ్​ బారిన పడి ప్రాణాలు కోల్పోయారు. మొత్తం కేసుల సంఖ్య కోటి 5 లక్షల 80వేలు దాటినట్లు వైద్య, ఆరోగ్య శాఖ తెలిపింది.

దేశంలో కరోనా కేసులు భారీగా తగ్గాయి. సోమవారం కనిష్ఠంగా 10,064 కేసులు నమోదయ్యాయి. మరో 137 మంది వైరస్ బారిన పడి ప్రాణాలు కోల్పోయారు. 17,411 మంది మహమ్మారి నుంచి కోలుకున్నట్లు కేంద్ర వైద్య ఆరోగ్య శాఖ వెల్లడించింది.

• మొత్తం కేసులు: 1,05,81,837
• క్రియాశీల కేసులు: 2,00,528
• కోలుకున్నవారు: 1,02,28,753
• మరణాలు: 1,52,556

దేశవ్యాప్తంగా ఇప్పటివరకు 18,78,02,827 మందికి కరోనా పరీక్షలు నిర్వహించారు. సోమవారం ఒక్కరోజే 7,09,791 మందికి పరీక్షలు నిర్వహించినట్లు ఐసీఎమ్​ఆర్ వెల్లడించింది.

ఇదీ చదవండి :కరోనా టీకాపై ఏమైనా సందేహాలా? ఇదీ మీకోసమే..