రిపబ్లిక్ డే ప్రత్యేక అతిథిగా బ్రిటన్ ప్రధాని!

భారత గణతంత్ర దినోత్సవానికి బ్రిటన్ ప్రధాని బోరిస్ జాన్సన్ హాజరుకానున్నట్లు తెలుస్తోంది. ప్రత్యేక అతిథిగా రావాలని ఈ మేరకు భారత్ ఆహ్వానం పంపించినట్లు తెలిసింది.

వచ్చే ఏడాది జరిగే గణతంత్ర వేడుకలకు బ్రిటన్ ప్రధానమంత్రి బోరిస్ జాన్సన్​ను భారత్ ఆహ్వానించినట్లు తెలుస్తోంది. జనవరి 26న జరిగే పరేడ్​కు ప్రత్యేక అతిథిగా ఆయన హాజరుకానున్నట్లు సమాచారం.

త్వరలో భారత్​ను సందర్శించేందుకు బ్రిటన్ ప్రధాని బోరిస్ చాలా ఆసక్తిగా ఉన్నారని బ్రిటీష్ హైకమిషన్ ప్రతినిధి పేర్కొన్నారు. అయితే రిపబ్లిక్ డే రోజునే వస్తారన్న విషయంపై స్పష్టతనివ్వలేదు.