కరోనా కట్టడి వ్యూహాలు, సమర్థమైన చర్యల వల్ల మిలియన్‌ జనాభాకు అతి తక్కువ వైరస్ కేసులు, మరణాలు నమోదవుతున్న దేశాల సరసన భారత్ నిలిచిందని కేంద్ర ఆరోగ్య మంత్రిత్వశాఖ వెల్లడించింది. రోజుకు సగటున నమోదయ్యే కొత్త కేసుల సంఖ్య గత 5 వారాలుగా తగ్గుతోందని తెలిపింది.
వారం వ్యవధిలో రోజూ నమోదయ్యే కొత్త కేసుల సంఖ్య సెప్టెంబర్‌ 2న సగటున 92,830గా ఉండగా.. అక్టోబర్‌ 2న 70,114గా ఉందని కేంద్ర ఆరోగ్యశాఖ పేర్కొంది. సోమవారం ఉదయం 8 గంటల నుంచి మంగళవారం ఉదయం 8 గంటల వరకు కేవలం 55,342 కేసులు నమోదయ్యాయని వెల్లడించింది. కేంద్రం, రాష్ట్రాలు కలిసి సంయుక్తంగా తీసుకుంటున్న చర్యల ఫలితమే.. కేసుల సంఖ్య క్షీణించడానికి కారణమని తెలిపింది.
కేసుల పెరుగుదలలోనూ..