భారత అంతర్గత అంశమైన కశ్మీర్కు స్వయం ప్రతిపత్తి రద్దుపై పాకిస్థాన్ చేస్తోన్న బాధ్యతారాహిత్య వ్యాఖ్యలను కొట్టిపారేశారు విదేశాంగ ప్రతినిధి రవీశ్ కుమార్. భారత్తో సంబంధాల విషయంలో ఉగ్రవాదమే తమ విధానమన్నట్లు పాక్ వ్యవహరిస్తోందని స్పష్టం చేశారు. ఉగ్రవాదాన్ని ప్రోత్సహించడం ఆపాలని సూచించారు.
కశ్మీర్ విషయంలో పాకిస్థాన్ ప్రధాని జిహాద్‌కు పిలుపునివ్వడం, భారత్లో హింసను సృష్టించాలన్న వ్యాఖ్యలను తప్పుపట్టారు రవీశ్.
"భారత అంతర్గత వ్యవహారాలపై పాకిస్థాన్ నేతలు చేస్తోన్న వ్యాఖ్యలు పూర్తి బాధ్యతారాహిత్యమైనవి. వీటిని తీవ్రంగా ఖండిస్తున్నాం. పాక్ చేస్తోన్న వ్యాఖ్యలు క్షేత్రస్థాయి పరిస్థితులకు భిన్నంగా ఉన్నాయి... అసత్యాలతో కూడిన విద్వేషపూరితమైన పాక్ వ్యాఖ్యలను ప్రపంచం గమనిస్తోందన్న విషయాన్ని దాయాది దేశం గుర్తించాలి. తమ గగనతలాన్ని మూసేస్తున్నామని అంతర్జాతీయ మానవ హక్కుల అధ్యక్షుడికి పాక్ రాసిన లేఖను కొట్టిపారేస్తున్నాం. ఆ లేఖ రాసేందుకు ఉపయోగించిన కాగితపు విలువ కూడా ఆ అంశానికి లేదు."
-రవీశ్కుమార్, విదేశీ వ్యవహారాల కార్యదర్శి
ఇదీ చూడండి: హరియాణా: టోల్ప్లాజా ఉద్యోగినిపై డ్రైవర్ దాడి