సంఝౌతా సేవలు రద్దు

​భారత్​-పాక్ మధ్య​ ఉద్రిక్తతలతో సంఝౌతా ఎక్స్​ప్రెస్​ రైలు సేవలను రద్దు చేసింది భారత్​. ఇప్పటికే రైలును రద్దు చేసినట్లు పాకిస్థాన్​ ప్రకటించింది.

భారత్-పాక్​ మధ్య ఉద్రిక్త పరిస్థితులు నెలకొన్న నేపథ్యంలో రెండు దేశాల మధ్య నడిచే సంఝౌతా ఎక్స్​ప్రెస్​ సేవలను నిలిపివేస్తున్నట్లు భారత రైల్వే అధికారులు ప్రకటించారు. మార్చి 3నుంచి రద్దు చేస్తున్నట్లు వెల్లడించారు. తిరిగి పునరుద్ధరణపై ఎలాంటి సమాచారం ఇవ్వలేదు. ఈ రైలు బుధ, ఆదివారాల్లో భారత్​ నుంచి పాక్​కు వెళ్తుంది.

సేవలు నిలిపేసిన పాక్​

ప్రతి సోమవారం, గురువారం పాకిస్థాన్​లోని లాహోర్​ నుంచి భారత్​లోని దిల్లీకి వచ్చే సంఝౌతా రైలును ఇప్పటికే రద్దు చేసింది పాకిస్థాన్​.

ఒప్పందం ప్రకారం

1971 సిమ్లా ఒప్పందం ప్రకారం 1976 జులై 22న భారత్-పాక్​ మధ్య సంఝౌతా ఎక్స్​ప్రెస్ ప్రారంభమయింది. దీనిలో ఆరు స్లీపర్​, మూడు ఏసీ కోచ్​లు ఉన్నాయి.