పాకిస్థాన్ కారాగారంలో ఉన్న భారత మాజీ నౌకాదళ అధికారి కుల్భూషణ్ జాదవ్ను ఇవాళ భారత దౌత్య అధికారులు కలుసుకోవచ్చని దాయాది దేశం చేసిన ప్రతిపాదనపై భారత్ స్పందించింది. అడ్డంకులు లేని దౌత్య సాయం కావాలని పాకిస్థాన్ను భారత్ కోరింది.
బెదిరింపు, భయం లేని వాతావరణంలో కుల్భూషణ్ జాదవ్ను భారత అధికారులు కలిసేలా చర్యలు చేపట్టాలని తెలిపింది. దీనిపై పాకిస్థాన్ స్పందన కోసం ఎదురు చూస్తున్నట్లు విదేశాంగ శాఖ పేర్కొంది.
భారత నౌకాదళంలో పదవీ విరమణ చేసిన కుల్భూషణ్ జాదవ్ను గూఢచర్యం, ఉగ్రవాదం ఆరోపణలపై పాక్‌ నిర్బంధించింది. పాక్‌ సైనిక కోర్టు జాదవ్కు మరణశిక్ష విధించింది. జాదవ్కు దౌత్య సాయం అందించాలని, ఆయనకు విధించిన మరణశిక్షను పునఃసమీక్షించాలని అంతర్జాతీయ న్యాయస్థానం ఆదేశాలు ఇచ్చిన నేపథ్యంలో పాక్‌ ఈ ప్రతిపాదనతో ముందుకొచ్చింది.
జాదవ్ను కలిసేందుకు పాకిస్థాన్ కొన్ని షరతులు విధించినట్లు అధికారులు పేర్కొన్నారు. అందులో ఒకటి పాకిస్థాన్ అధికారుల సమక్షంలోనే జాదవ్ను భారత దౌత్య అధికారులు కలవటం అన్నారు.
ఇదీ చూడండి: ఆగస్టు 6 నుంచి అయోధ్యపై రోజువారీ విచారణ