పోలీసు అధికారిణి గుండు వెనుక క్యాన్సర్ కథ! నాలుగు వెంట్రుకలు రాలిపోతేనే బెంగపెట్టుకుంటాం. మరి క్యాన్సర్ వ్యాధి బారిన పడి జుట్టునంతా పోగొట్టుకునేవారి పరిస్థితి ఊహించుకుంటేనే ఎంతో బాధగా ఉంటుంది. అందుకే కేరళ త్రిస్సూర్లోని ఇరింజలకుడాకు చెందిన మహిళా రూరల్ పోలీస్ స్టేషన్లో పని చేస్తున్న పోలీస్ అధికారిణి అపర్ణ అనూహ్య నిర్ణయం తీసుకున్నారు. పోలీసు అధికారిణి గుండు వెనుక క్యాన్సర్ కథ! క్యాన్సర్తో పోరాడుతున్న 5వ తరగతి విద్యార్థిని కలిశాక అపర్ణ తన కేశాలు క్యాన్సర్ బాధితులకు విగ్గులు తయారు చేసే సంస్థకు ఇవ్వాలనుకున్నారు. వెంటనే త్రిస్సూర్లోని అమల ఆసుపత్రిలో ఆమె కురులను దానం చేశారు. అందం అనేది బాహ్య సౌందర్యంలోనిది కాదని.. మనం చేసే ప్రతి పని, ప్రతి మాటలో కనిపించాలంటారు అపర్ణ.
గతంలో తమ చిన్నారికి చికిత్స చేయించాలని ఓ పేద కుటుంబం అపర్ణను ఆశ్రయించింది. వెంటనే తన చేతికున్న బంగారు గాజులను తీసి వారికి ఇచ్చారు అపర్ణ. మానసిక అందాన్ని చాటిన ఈ వీడియో ఇప్పుడు సామాజిక మాధ్యమాల్లో చక్కర్లు కొడుతోంది. అపర్ణకు సర్వత్రా ప్రశంసలు అందుతున్నాయి.
ఇదీ చూడండి:పదేళ్ల నిరుపేద చిన్నారికి ప్రాణాంతక క్యాన్సర్
