వధూవరుల మధ్య వేలాది కిలోమీటర్ల దూరం ఉన్నా వారి పెళ్లికి ఆటంకం కలగలేదు. కరోనా మహమ్మారి ఆంక్షలూ అడ్డుకోలేదు. ఇప్పట్లో వైరస్ తగ్గే పరిస్థితులు కనిపించక.. పెళ్లి చేసుకోవాలని నిశ్చయించుకున్న వధూవరులు.. వినూత్నంగా ఆలోచించారు. వర్చువల్గా ఒక్కటయ్యారు. వరుడు దక్షిణాఫ్రికాలో ఉండగా, వధువు రాజస్థాన్లోని ఓ గ్రామంలో ఉండి తమ పెళ్లి తంతును పూర్తి చేశారు.
రాజస్థాన్లోని దంగర్పుర్ జిల్లా ధంభోల గ్రామానికి చెందిన మార్కండేయ త్రివేది దక్షిణాఫ్రికాలో అకౌంటెంట్గా పని చేస్తున్నాడు. అదే గ్రామానికి చెందిన రుచా పాండ్యతో ఆరు నెలల క్రితం వివాహం నిశ్చయించారు పెద్దలు. జూన్ 29న ముహూర్తం ఖరారు చేశారు. పెళ్లి పనులు ప్రారంభించారు. కానీ, కరోనా రక్కసి వారి పనులకు అడ్డుతగిలింది. ముహూర్తం నాటికి వైరస్ తగ్గిపోతుందని భావించారు. కానీ అలా జరగలేదు. లాక్డౌన్తో అంతర్జాతీయ విమానాలపై నిషేధం కొనసాగుతోంది. ముహూర్తం సమయానికి దక్షిణాఫ్రికాలో ఉన్న త్రివేది వచ్చేందుకు వీలు లేకుండా పోయింది. దాంతో ఇరుపక్షాలు ఆలోచించి వర్చువల్గా పెళ్లిచేయాలని నిర్ణయించారు.