బిడ్డకు జన్మనిచ్చిన 14 రోజులకే విధుల్లోకి కలెక్టర్​

ఉద్యోగాలు చేసే స్త్రీలు విధులతో పాటు కుటుంబ వ్యవహారాలను కూడా సక్రమంగా చూసుకోవడం అంటే సాధారణ విషయమేం కాదు. నిత్యం ఎన్నో సవాళ్లను అధిగమించాల్సి ఉంటుంది. అందులోనూ ఓ బిడ్డకు జన్మనిచ్చాక బాధ్యతలు మరింత పెరుగుతాయి. అయితే యూపీకి చెందిన ఓ ఐఏఎస్‌ అధికారిణి బిడ్డకు జన్మనిచ్చిన 14 రోజుల్లోనే విధులకు హాజరై విధుల పట్ల తన అంకిత భావాన్ని చాటుకున్నారు.

ఉత్తర్​ప్రదేశ్​ గజియాబాద్​ జిల్లా కొవిడ్​ నోడల్​ అధికారిగా బాధ్యతలు నిర్వహిస్తోన్న సౌమ్య పాండే మాత్రం బిడ్డకు జన్మనిచ్చిన కేవలం 14రోజుల్లోనే విధులు హాజరయ్యారు. వృత్తి పట్ల తనకున్న అంకిత భావాన్ని చాటుకున్నారు.

‘"నేను ఓ ఐఏఎస్‌ అధికారిణిని కాబట్టి కుటుంబ బాధ్యతలతో పాటు నా విధులపైనా దృష్టి సారించాలి. దేవుడి దయ వల్ల నేను ఈ రోజు నా బిడ్డను చూసుకుంటూనే విధులకు సైతం హాజరు కాగలుగుతున్నాను. ఈ విషయంలో నా కుటుంబసభ్యులు ఎంతో అండగా నిలుస్తున్నారు. గర్భం దాల్చినప్పటి నుంచి ఇప్పటివరకు విధుల పట్ల నాకు సహకారం అందించిన జిల్లా యంత్రాంగానికి ధన్యవాదాలు. కొవిడ్‌ సమయంలో పనిచేసే ప్రతి గర్భిణీ తప్పనిసరిగా జాగ్రత్తలు పాటించాలి’"

----సౌమ్యా పాండే,ఐఏఎస్​ అధికారి.

అయితే విధుల పట్ల ఆమెకు ఉన్న అంకిత భావంపై నెటిజన్లు ప్రశంసల వర్షం కురిపించారు.

ఇదీ చదవండి :సీజనల్ వ్యాధుల వేళ కొవిడ్ కొత్త మార్గదర్శకాలు