12:14 September 10
రఫేల్ చేరిక చరిత్రాత్మకం: రాజ్నాథ్
భారత వాయుసేనలో రఫేల్ చేరిక చరిత్రాత్మకమని అన్నారు రక్షణ మంత్రి రాజ్నాథ్ సింగ్. ఈ కీలక ఘట్టం సందర్భంగా త్రివిధ దళాలకు, ప్రజలకు అభినందనలు తెలిపారు.
రఫేల్ ఒప్పందం భారత్-ఫ్రాన్స్ బంధాన్ని బలపరుస్తోందని వ్యాఖ్యానించారు. భవిష్యత్తులోనూ మంచి ద్వైపాక్షిక సంబంధాలు కొనసాగుతాయని ఆశాభావం వ్యక్తం చేశారు.
ఉగ్రవాదంపై పోరులో రెండు దేశాల వైఖరి ఒక్కటేనని ఉద్ఘాటించారు రాజ్నాథ్.
11:34 September 10
భారత్, ఫ్రాన్స్ బలమైన సంబంధాలకు ప్రతీక: రాజ్నాథ్
భారత వాయుసేనలోకి రఫేల్ జెట్లు చేరటం, భారత్, ఫ్రాన్స్ల బలమైన సంబంధాలను సూచిస్తోంది, ఇరుదేశాల వ్యూహాత్మక సంబంధాలు మరింత బలోపేతమయ్యాయి.
11:27 September 10
రఫేల్ రాకతో వాయుసేన మరింత పటిష్ఠమైంది: రాజ్‌నాథ్‌సింగ్‌
11:19 September 10
వాయుసేనలోకి రఫేల్ చేరిక సందర్భంగా.. స్వదేశీ తయారీ తేలికపాటి యుద్ధ విమానాలు తేజస్‌, సారంగ్‌ హెలికాప్టర్లు ఆకాశంలో వైమానిక విన్యాసాలు చేశాయి. రన్వేపైకి దిగిన రఫేల్ జెట్స్కు వాటర్ కెనాన్లతో సెల్యూట్ చేశారు అధికారులు.
11:13 September 10
భారత వాయుసేనలోకి అధికారింగా చేరిన తర్వాత సుఖోయ్-30, జాగ్వార్ యుద్ధ విమానాలతో పాటు తక్కువ వేగంతో గాల్లో విన్యాసాలు చేపట్టాయి.
10:51 September 10
భారత వాయుసేనలోకి 'రఫేల్'యుద్ధ విమానాలు
రఫేల్ యుద్ధవిమానాలు భారత వాయుసేనలో లాంఛనంగా చేరాయి. హరియాణాలోని అంబాలా ఎయిర్ బేస్లో 5 రఫేల్ జెట్స్ను ఫ్రాన్స్ రక్షణ మంత్రి ఫ్లోరెన్స్ పార్లీతో కలిసి రక్షణ మంత్రి రాజ్నాథ్ సింగ్ అధికారికంగా వాయుసేనలో ప్రవేశపెట్టారు. అంబాలాలోని 17వ గోల్డెన్ ఆరోస్ స్క్వాడ్రన్ లాంఛనంగా చేరాయి ఈ యుద్ధవిమానాలు. సుఖోయ్ 30, జాగ్వర్ యుద్ధ విమానాలతో పాటు రఫేల్ జెట్స్ విన్యాసాలు ప్రదర్శించాయి.
ఈ కార్యక్రమంలో భారత త్రిదళాధిపతి(సీడీఎస్) జనరల్ బిపిన్ రావత్, వైమానిక దళాధిపతి మార్షల్ ఆర్కేఎస్ భదౌరియా సహా పలువురు ఉన్నతాధికారులు పాల్గొన్నారు.
10:32 September 10
సర్వ ధర్మ పూజలో నేతలు, అధికారులు
రఫేల్ జెట్స్ వాయుసేనలో ప్రవేశపెట్టే ముందు అంబాలా ఎయిర్ బేస్లో సంప్రదాయ సర్వ ధర్మ పూజ నిర్వహించారు. ఈ కార్యక్రమంలో భారత్, ఫ్రాన్స్ రక్షణ మంత్రులు రాజ్నాథ్, ఫ్లోరెన్స్ పార్లీ తోపాటు అధికారులు పాల్గొన్నారు.
10:26 September 10
అంబాలా చేరుకున్న త్రిదళాధిపతి రావత్, ఎయిర్ చీఫ్
రఫేల్ యుద్ధ విమానాలను వాయుసేనలో అధికారికంగా చేర్చే కార్యక్రమంలో పాల్గొనేందుకు అంబాలా ఎయిర్ బేస్కు చేరుకున్నారు భారత త్రిదళాధిపతి జనరల్ బిపిన్ రావత్, వైమానిక దళాధిపతి ఆర్కేస్ భదౌరియా.
10:22 September 10
అంబాలా చేరుకున్న రక్షణ మంత్రులు
హరియాణాలోని అంబాలా ఎయిర్ బేస్కు చేరుకున్నారు భారత రక్షణ మంత్రి రాజ్నాథ్ సింగ్, ఫ్రాన్స్ రక్షణ మంత్రి ఫ్లోరెన్స్ పార్లీ. కొద్ది సమయంలో రఫేల్ యుద్ధవిమానాలను భారత వైమానిక దళంలో ప్రవేశపెట్టనున్నారు.
09:58 September 10
అంబాలా బయలుదేరిన భారత్, ఫ్రాన్స్ రక్షణ మంత్రులు
రఫేల్ జెట్స్ వైమానిక దళంలోకి చేరే కార్యక్రమానికి హాజరయ్యేందుకు అంబాలా బయలుదేరారు భారత రక్షణ మంత్రి రాజ్నాథ్, ఫ్రాన్స్ రక్షణ మంత్రి ఫ్లోరెన్స్ పార్లీ. పాలమ్ వాయుసేన కేంద్రం నుంచి ప్రత్యేక విమానంలో అంబాలా చేరుకోనున్నారు.
09:52 September 10
అంబాలా బయలుదేరిన భారత్, ప్రాన్స్ రక్షణ మంత్రులు
రఫేల్ జెట్స్ వైమానిక దళంలోకి చేరే కార్యక్రమానికి హాజరయ్యేందుకు అంబాలా బయలుదేరారు భారత రక్షణ మంత్రి రాజ్నాథ్, ఫ్రాన్స్ రక్షణ మంత్రి ఫ్లోరెన్స్ పార్లీ. పాలమ్ వాయుసేన కేంద్రం నుంచి ప్రత్యేక విమానంలో అంబాలా చేరుకోనున్నారు.
09:45 September 10
ఫ్రాన్స్ రక్షణ మంత్రితో రాజ్నాథ్ భేటీ
రఫేల్ యుద్ధ విమానాలు అధికారికంగా వైమానదళంలోకి చేరే కార్యక్రమానికి హాజరయ్యే ముందు ఫ్రాన్స్ రక్షణ మంత్రి ఫ్లోరెన్స్ పార్లీతో భేటీ అయ్యారు భారత రక్షణ మంత్రి రాజ్నాథ్ సింగ్. పాలమ్ వాయుసేన కేంద్రంలో ఇరువురు సమావేశంపై పలు అంశాలపై చర్చించినట్లు రక్షణ శాఖ కార్యాలయం తెలిపింది. అక్కడి నుంచి అంబాలాకు చేరుకుంటారని వెల్లడించింది.
09:22 September 10
ఫ్రాన్స్ రక్షణ మంత్రి ఫ్లోరెన్స్ పార్లీ దిల్లీ పాలెం అంతర్జాతీయ విమానశ్రయానికి చేరుకున్నారు. భారత వాయుసేనకు రఫేల్ జెట్లు అప్పగించే కార్యక్రమంలో ఆమె ముఖ్య అతిథిగా పాల్గొననున్నారు.
09:02 September 10
సిద్ధంగా రఫేల్..
వాయుసేనకు రఫేల్ యుద్ధ విమానాలు అప్పగించేందుకు అంబాలా ఎయిర్బేస్లో ప్రత్యేక కార్యక్రమం ఏర్పాటు చేసింది రక్షణ శాఖ. దీనికి భారత రక్షణ మంత్రి రాజ్నాథ్ సింగ్, ఫ్రాన్స్ రక్షణ మంత్రి ఫ్లోరెన్స్ పార్లీ, త్రిదళాధిపతి జనరల్ బిపిన్ రావత్, వాయుసేన సారథి రాకేశ్ కుమార్ సింగ్ భదౌరియా, రక్షణ కార్యదర్శి అజయ్ కుమార్లు ముఖ్య అతిథులుగా హాజరుకానున్నారు. ఉదయం 10 గంటలకు ఈ కార్యక్రమం జరగనుంది.
08:51 September 10
వాయుసేనలోకి అధికారికంగా చేరనున్న రఫేల్
రఫేల్ యుద్ధవిమానాలు భారత వాయుసేనలోకి నేడు లాంఛనంగా చేరనున్నాయి. హరియాణాలోని అంబాలా ఎయిర్ బేస్లో ఐదు రఫేల్ యుద్ధవిమానాలను ఫ్రాన్స్ రక్షణమంత్రి ఫ్లోరెన్స్ పార్లీతో కలిసి రక్షణమంత్రి రాజ్నాథ్ సింగ్ అధికారికంగా భారత వాయుసేనలో ప్రవేశపెట్టనున్నారు.
ఫ్రాన్స్ నుంచి మొత్తం 36 రఫేల్ యుద్ధ విమానాలను కొనుగోలు చేసేందుకు భారత్ ఒప్పందం కుదుర్చుకోగా తొలి విడతగా ఐదు యుద్ధ విమానాలు జులై 29న భారత్ చేరాయి. రెండో విడతగా మరో 4 యుద్ధవిమానాలు నవంబర్లో వచ్చే అవకాశం ఉంది.
2021 చివరి నాటికి మొత్తం 36 రఫేల్ జెట్స్ భారత అమ్ముల పొదిలో చేరనున్నాయి. ఈ అత్యాధునిక యుద్ధ విమానాలు వాయుసేనకు చెందిన అంబాలాలోని 17వ గోల్డెన్ ఆరోస్ స్క్వాడ్రన్ నుంచి సేవలు అందించనున్నాయి.