అమెరికా కాల్పుల ఘటనలో భారత వాయుసేన సారథి సురక్షితం

అమెరికా నౌకాశ్రయం వద్ద కాల్పులు జరిగిన సమయంలో భారత వాయుసేన సారథి ఎయిర్ చీఫ్ మార్షల్​ రాకేశ్ ​కుమార్​ సింగ్ భదౌరియా సహా భారత బృందం ఘటనా స్థలంలోనే ఉంది. అయితే వారంతా సురక్షితంగా ఉన్నారని భారత వైమానిక దళం తెలిపింది.

అమెరికా హవాయ్​లోని పెరల్​ హార్బర్​లో కాల్పులు జరిగిన సమయంలో భారత వాయుసేన అధిపతి ఎయిర్ చీఫ్ మార్షల్​ రాకేశ్ ​కుమార్​ సింగ్ భదౌరియా, ఆయన బృందంతో పాటు అక్కడే ఉన్నారని భారత వైమానిక దళం తెలిపింది. అయితే.. వారికి ఎలాంటి హాని జరగలేదని, అందరూ సురక్షితంగా ఉన్నారని స్పష్టం చేసింది.

హవాయ్​లోని పెరల్​ హార్బర్​ నౌకాశ్రయం వద్ద ఓ దుండగుడు కాల్పులకు తెగబడగా.. నావిక భద్రతా దళాలు ప్రతిస్పందించాయి. పరస్పర కాల్పుల్లో ముగ్గురికి గాయాలు కాగా.. ముష్కరుడు తనకు తానే తలపై కాల్చుకుని చనిపోయాడు.

ఇదీ చదవండి:కర్ణాటకలో నేడు ఉపఎన్నికలు.. భాజపా సర్కారుకు కీలకం