'బీఫ్​ తినొద్దని చెప్పడానికి మీరెవరు ?'

గోవధ నిషేధం బిల్లుకు కర్ణాటక కేబినెట్​ ఆమోదం తెలిపిన నేపథ్యంలో కాంగ్రెస్​ నేత సిద్ధ రామయ్య కీలక వ్యాఖ్యలు చేశారు. గొడ్డు మాంసం తినడమనేది తమ జీవన శైలిలో భాగమని, వద్దని చెప్పడానికి మీరెరని ప్రశ్నించారు.

కర్ణాటక కేబినెట్​ గోవధ నిషేధం బిల్లుకు ఆమోదం తెలిపిన నేపథ్యంలో కాంగ్రెస్​ నేత సిద్ధ రామయ్య కీలక వ్యాఖ్యలు చేశారు.

'నేను గొడ్డు మాంసం తింటాను, ఇది నా ఆహార శైలి, తినొద్దని చెప్పడానికి మీరేవరు' అంటూ మాజీ సీఎం ప్రశ్నించారు. రేసు కోర్స్ రోడ్డులోని కాంగ్రెస్​ భవన్​లో ఏర్పాటు చేసిన పార్టీ 136వ వ్యవస్థాపక దినోత్సవంలో ఆయన పాల్గొన్నారు.

"మనం నిర్ణయించుకున్న సూత్రాల పట్ల స్పష్టంగా, వాటికి కట్టుబడి ఉండాలి. ఈ విషయంలో కాంగ్రెస్​ పార్టీ వెనక్కి తగ్గితే అది దేశంలోని పేద, దళిత, వెనుకబడిన వర్గాలకు ఎదురుదెబ్బ అవుతుంది." అని సిద్ధ రామయ్య పేర్కొన్నారు.

ఇప్పుడు తెచ్చిన గోవధ నిషేధ చట్టమేమీ కొత్తది కాదు. 1964లోనే కాంగ్రెస్​ ఆ చట్టాన్ని చేసింది. 'నేను గొడ్డు మాంసం తింటాను. అడగటానికి మీరేవరు? మిమ్మల్ని తినమని నేనేమి బలవంతం చేయట్లేదు. నాకు నచ్చింది నేను తింటాను.

- సిద్ధ రామయ్య, కర్ణాటక మాజీ ముఖ్యమంత్రి.

రైతుల వద్ద ఉన్న వయసు మీరిన ఎద్దులు, ఆవులు, గేదేల పరిస్థితేంటని సిద్ధ రామయ్య ప్రశ్నించారు.

ఇదీ చదవండి:'5 కోట్ల కొవిషీల్డ్ టీకాలు సిద్ధం- అనుమతి రాగానే పంపిణీ'