విద్యార్థుల దాడిపై నివేదికను సమర్పించండి: హెచ్​ఆర్​డీ

దిల్లీలోని జవహర్​లాల్​ నెహ్రూ విశ్వవిద్యాలయం (జేఎన్​యూ)లో జరిగిన విద్యార్థుల దాడిపై నివేదిక సమర్పించాలని వర్శిటీ రిజిస్ట్రార్​ను కోరింది కేంద్ర మానవ వనరులు మంత్రిత్వ శాఖ.

దిల్లీలోని జేఎన్​యూలో జరిగిన ఘర్షణపై కేంద్ర మానవ వనరుల మంత్రిత్వ శాఖ స్పందించింది. విద్యార్థులపై దాడికి సంబంధించి సత్వర నివేదికను సమర్పించాలని జేఎన్​యూ రిజిస్ట్రార్​ను కోరింది.

జేఎన్​యూలో జరిగిన ఘర్షణ గురించి వర్శిటీ రిజిస్ట్రార్​ను నివేదిక సమర్పించమని కోరాం. విశ్వవిద్యాలయంలో శాంతిని నెలకొల్పాలని ఉపకులపతి, పోలీసు అధికారులతో మాట్లాడాము.

-హెచ్​ఆర్​డీ అధికారులు.

షా...

ఈ ఘర్షణపై కేంద్ర హోం మంత్రి అమిత్​ షా స్పందించారు. ఘటనకు గల కారణాలను ఆరా తీసి నివేదిక సమర్పించాలని పోలీసులకు ఆదేశం ఇచ్చారు. బాధ్యులపై కఠినమైన చర్యలు తీసుకోవాలన్నారు.

ప్రియాంక గాంధీ..

ఈ దాడిలో గాయపడినవారిని ఎయిమ్స్​కి వచ్చి పరామర్శించారు కాంగ్రెస్​ నేత ప్రియాంక గాంధీ. దాడికి కారణమైన వారిపై చర్యలు తీసుకోవాలని డిమాండ్​ చేశారు.
గుర్తు తెలియని దుండగులు కొంతమంది జేఎన్​యూ ప్రాంగణంలో చొరబడి ముసుగులు ధరించి విద్యార్థులు, ఉపాధ్యాయులపై దాడి చేశారు. ఆస్తులను ధ్వంసం చేశారు. ఘటనలో 18 మంది తీవ్రంగా గాయపడ్డారు.

ఇదీ చూడండి : మరోసారి జేఎన్​యూలో ఉద్రిక్తత.. విద్యార్థులపై దాడి