టమోటాలతో హోలీ... ఎంత బాగుంటుందో మరి

గుజరాత్​ అహ్మదాబాద్​ ప్రజలు హోలీ సంబరాలను వినూత్నంగా జరుపుకున్నారు. రంగులకు బదులు టమోటాలతో వేడుకలు చేసుకున్నారు.

దేశవ్యాప్తంగా హోలీ పండుగను వివిధ సంప్రదాయాల్లో జరపుకుంటున్నారు ప్రజలు. కొందరు ఆలయాలు సందర్శించి ప్రత్యేక ప్రార్థనలు నిర్వహిస్తుంటే... పర్యావరణాన్ని దృష్టిలో పెట్టుకుని సహజసిద్ధ రంగులతో మరికొందరు సంబరాలు చేసుకుంటున్నారు.

గుజరాత్​లోని అహ్మదాబాద్​ ప్రజలు హోలీ వేడుకలను వినూత్నంగా జరుపుకున్నారు. కృత్రిమ​ రంగులకు బదులు టమోటాలతో వేడుకలు జరుపుకున్నారు. టమోటాలతో ఒకరినొకరు సరదాగా కొట్టుకున్నారు. వాటి రసాన్ని తలపై పోసుకుంటూ ఆనందంతో చిందులేశారు.

ఎంతో వినూత్నంగా నిర్వహించిన ఈ వేడుకల్లో స్థానిక యువత పెద్ద ఎత్తున పాల్గొంది. కొంతమంది స్నేహితులను టమోటాలపై పడుకోబెట్టి సరదాగా అభిషేకాలు చేశారు.