మధ్యప్రదేశ్లో 'గాడ్సే' గ్రంథాలయాన్ని ఆదివారం ప్రారంభించారు అఖిల భారత హిందూ మహాసభ సభ్యులు.
గ్వాలియర్లో ఏర్పాటు చేసిన ఈ గ్రంథాలయంలో దేశ విభజనకు సంబంధించిన సమగ్ర అంశాలు ఉంటాయన్నారు హిందూ మహాసభ ఉపాధ్యక్షుడు డాక్టర్ జైవీర్ భరద్వాజ్. వివిధ జాతీయ నాయకుల సమాచారం సహా.. ఇతర జ్ఞానాన్నీ సంపాదించుకోవచ్చని చెప్పారు.
"నేటి యువతరం సత్యాన్ని తెలుసుకుని, జాతీయవాదం పట్ల వారి బాధ్యతను నెరవేర్చాలని కోరుకుంటున్నాము. గాడ్సే.. దేశ విభజనను ఎందుకు వ్యతిరేకించారు? దానికి పర్యవసానంగా ఎందుకు ప్రతీకారం తీర్చుకున్నారు? వంటి విషయాలను తెలియజేసేందుకే ఈ గ్రంథాలయాన్ని ఏర్పాటు చేశాం."