'గుజరాత్​ మోడల్​.. కరోనా మరణాల రేటులోనే'

గుజరాత్​లో కరోనా మరణాల రేటుకు సంబంధించి భాజపాపై విమర్శలు గుప్పించారు కాంగ్రెస్ అగ్రనేత రాహుల్ గాంధీ. గుజరాత్​ మోడల్ అంటే ఇదేనని వ్యంగ్యంగా స్పందించారు.

భాజపా పాలనలోని గుజరాత్​లో కరోనా మరణాల రేటుపై కాంగ్రెస్ అగ్రనేత రాహుల్​ గాంధీ విమర్శించారు. 'అధిక మరణాల రేటులో గుజరాత్​ మోడల్​' అంటే ఏంటో చూపించారంటూ ఎద్దేవా చేశారు.

"కొవిడ్- 19 మరణాలు రేటు: గుజరాత్​ 6.25 శాతం, మహారాష్ట్ర 3.73 శాతం, రాజస్థాన్​ 2.32 శాతం, పంజాబ్​ 2.17 శాతం, పుదుచ్చేరి 1.98 శాతం, ఝార్ఖండ్​ 0.5 శాతం, ఛత్తీస్​గఢ్​ 0.35 శాతం. గుజరాత్​ మోడల్​ ఏంటో తెలిసిపోయింది."

- రాహుల్ గాంధీ, కాంగ్రెస్ అగ్రనేత

కరోనా కేసుల సంఖ్యలో గుజరాత్​ దేశంలో నాలుగో స్థానంలో ఉంది. ఇప్పటివరకు మొత్తం 24,055 కేసులు నమోదయ్యాయి. మరణాల సంఖ్య మంగళవారానికి 1,505కు చేరింది.

రాష్ట్రంలోని కరోనా వ్యాప్తి భారీగా విజృంభించిన అహ్మదాబాద్​లో క్రమంగా తగ్గుముఖం పడుతోంది. అయినా రోజుకు సగటున 488 కేసులు నమోదవుతున్నాయి.

ఇదీ చూడండి:దేశంలో మరో 10,667 కేసులు.. 380 మరణాలు