రాజస్థాన్ రాజకీయాల్లో మరో కీలక పరిణామం చోటుచేసుకుంది. బహుజన్‌ సమాజ్‌ పార్టీ (బీఎస్పీ) టికెట్‌పై గెలిచి కాంగ్రెస్లో విలీనం అయిన ఆరుగురు ఎమ్మెల్యేలకు ఆ రాష్ట్ర హైకోర్టు నోటీసులు జారీ చేసింది. వారితో పాటు స్పీకర్‌ సీపీ జోషి, అసెంబ్లీ కార్యదర్శికి ఈ తాఖీదులు వెళ్లాయి. విలీనంపై బీఎస్పీ దాఖలు చేసిన పిటిషన్పై విచారణ సందర్భంగా ఏకసభ్య ధర్మాసనం ఈ నోటీసులు ఇచ్చింది. ఆగస్టు 11లోపు సమాధానం ఇవ్వాలని పేర్కొంది.
'విప్ ధిక్కరిస్తే అనర్హత తప్పదు'
2018 ఎన్నికల్లో గహ్లోత్‌ ప్రభుత్వ ఏర్పాటుకు సాయపడిన ఆరుగురు ఎమ్మెల్యేలు గతేడాది సెప్టెంబర్‌లో కాంగ్రెస్లో విలీనం అయ్యారు. దీనిపై ఆ పార్టీ అధినేత్రి మాయావతి మండిపడ్డారు. తాజాగా బీఎస్పీ రాజస్థాన్ హైకోర్టులో పిటిషన్ వేసింది. ఎమ్మెల్యేల విలీనం రాజ్యాంగ విరుద్ధమని ఆ పార్టీ తరఫు న్యాయవాది వాదించారు. జాతీయ స్థాయిలో గానీ, రాష్ట్ర స్థాయిలో గానీ ఏ పార్టీలోనూ బీఎస్పీ విలీనం కాలేదని చెప్పారు. పార్టీలు తప్ప వ్యక్తులు విలీనం అవ్వడానికి లేదని వాదించారు. ఇప్పటికీ వారు బీఎస్పీకి రాజీనామా చేయలేదని, ఒకవేళ వారు విప్ ధిక్కరిస్తే అనర్హత వేటుకు అర్హులని పేర్కొన్నారు.
బలబలాలు మారేనా..