కర్ణాటకలో వరద విధ్వంసం- భారీగా పంట నష్టం

కర్ణాటకను మూడు రోజులుగా భారీ వర్షాలు ముంచెత్తుతున్నాయి. దీంతో నదులు ప్రమాద స్థాయిని మించి ప్రవహిస్తున్నాయి. కొన్ని ప్రాంతాల్లో చెరువులకు గండి పడి, వేలాది ఎకరాల్లో పంట నీట మునిగింది. ఉత్తర కర్ణాటకలోని పలు జిల్లాలు తీవ్రంగా ప్రభావితం అయ్యాయి.

కర్ణాటకలో భారీ వర్షాలు విధ్వంసాన్ని సృష్టిస్తున్నాయి. వాగులు, వంకలు ఉప్పొంగి వేలాది ఎకరాల్లో పంట నీటి మునిగింది. వందలాది ఇళ్లు దెబ్బతిన్నాయి. కలబురగి, యాదగిరి​, బాగల్​కోటే, బెళగావి, బీదర్​ జిల్లాలు తీవ్రంగా ప్రభావితమయ్యాయి. దాదాపు 10 వంతెనలు కూలిపోయాయి.

వీధుల్లో ప్రవహిస్తున్న వరద నీరు

వరద ఉద్ధృతి

నేలకొరిగిన వరిచేను

వేలాది ఎకరాల్లో నీట మునిగిన పంట

బాగల్​కోటే జిల్లాలోని రాబకవి బానహట్టిలో 111 ఇళ్లు నేలమట్టమయ్యాయి. యాదగిరి​ జిల్లాలో ఓ రైతు ఇల్లు కూలి.. లోపల నిల్వ చేసిన పత్తి తడిసిపోయి... భారీ నష్టం వాట్లింది. చేతికందొచ్చే సమయంలో వర్షాల వల్ల చెరకు పంట నేలమట్టమైంది. బెళగావిలో వరద ధాటికి కొన్ని చోట్ల రహదాలు కొట్టుకుపోయాయి.

భారీ వర్షాలతో దెబ్బతిన్న క్యాబేజీ పంట

సహాయక చర్యలు అందిస్తున్న ఎన్​డీఆర్​ఎఫ్​ సిబ్బంది

రాత్రివేళలోనూ కొనసాగుతున్న సహాయక చర్యలు

వాగు దాటుతున్న వరద బాధితులు

జాతీయ విపత్తు నిర్వహణ దళాలు సహాయక చర్యలు కొనసాగిస్తున్నాయి. వేల మందిని పునరావాస కేంద్రాలకు తరలిస్తున్నారు. ప్రజలు అప్రమత్తంగా ఉండాలి అధికారులు సూచించారు.

ఇదీ చూడండి:కుమారుడి ప్రాణాల కోసం మరో బిడ్డకు జన్మ