లాక్​డౌన్​ వేళ వైభవంగా మాజీ సీఎం కుమారుడి వివాహం!

కర్ణాటక మాజీ ముఖ్యమంత్రి కుమారస్వామి కుమారుడు, నటుడు నిఖిల్​ కుమారస్వామి వివాహం ఈ రోజు బెంగళూరులో వైభవంగా జరిగింది. లాక్​డౌన్​ నేపథ్యంలో కుటుంబ సభ్యులు, సన్నిహితుల మాత్రమే పెళ్లికి హాజరయ్యారు.

కర్ణాటక మాజీ ముఖ్యమంత్రి హెచ్​డీ కుమారస్వామి కుమారుడు, మాజీ ప్రధానమంత్రి దేవేగౌడ మనవడు నిఖిల్​ కుమారస్వామి వివాహం కుటుంబ సభ్యుల మధ్య ఈ రోజు జరిగింది. దేశవ్యాప్తంగా లాక్​డౌన్​ ఉన్న తరుణంలో బెంగళూరులోని సొంత ఫాంహౌస్​లో కల్యాణం నిర్వహించారు.

పెద్దలు కుదిర్చిన ముహూర్తానికి వధువు రేవతి మెడలో తాళి కట్టారు నిఖిల్​. వివాహ బంధంతో నవవధూవరులు ఒక్కటయ్యారు. వధువు కర్ణాటక మాజీ మంత్రి ఎన్​.క్రిష్ణప్ప మేన కోడలు.

వివాహ బంధంతో ఒక్కటైన నిఖిల్​-రేవతి

లాక్​డౌన్​ నియమాలు తప్పనిసరిగా పాటించాలనే ప్రభుత్వ ఆదేశాలతో కుటుంబ సభ్యులు, సన్నిహితులు మాత్రమే వివాహానికి హాజరయ్యారు.

మండపానికి వస్తున్న వరుడు నిఖిల్​

కుమారుడికి మంగళస్నానం చేయిస్తున్న కుమారస్వామి దంపతులు

పెళ్లి పందిరిలో వరుడు నిఖిల్​

మండపంలో వధువు రేవతి

పెళ్లిలో మాజీ ప్రధాని దేవేగౌడ దంపతులు