హాథ్రస్లో హత్యాచార బాధితురాలి గ్రామం బుల్గద్ధిని పోలీసులు పూర్తిగా నిర్బంధించినట్లు తెలుస్తోంది. ఈ విషయాన్ని బాధితురాలి సోదరుడు గజేంద్ర వెల్లడించాడు. పోలీసుల కళ్లు కప్పి ఓ యువకుడి సాయంతో బయటికి వచ్చినట్లు తెలిపాడు.
గ్రామంలో పరిస్థితి భయానకంగా ఉందని గజేంద్ర వివరించాడు. ఊరిలోకి ఎవరూ రావటం, పోవటం చేయకుండా కఠిన ఆంక్షలు విధించారని తెలిపాడు. ఇళ్లల్లోనే ఉండాలని పోలీసులు బెదిరిస్తున్నారని, బయటికి వస్తే కొడుతున్నారన్నాడు.
నిర్బంధంలో బాధితురాలి కుటుంబం..
బాధితురాలి కుటుంబాన్ని గృహ నిర్బంధం చేసి పోలీసులు బెదిరిస్తున్నట్టు తెలుస్తోంది. వారి ఫోన్లను తీసుకుని స్విఛ్ ఆఫ్ చేశారని, ఇంటికి బయటి నుంచి తాళం వేసినట్లు బాధితురాలి సోదరుడు తెలిపాడు. గ్రామంలో సుమారు 660 మంది పోలీసులు నిరంతరం పహారా కాస్తున్నారని, ఎలాగైనా రాత్రి ఇంటికి చేరుకుంటానని చెప్పాడు.
మీడియాతోనూ మాట్లాడనివ్వటం లేదు..