వడగండ్ల వానతో మామిడి రైతు కుదేలు.. రూ. 60కోట్ల నష్టం

వడగండ్ల వానతో బంగాల్​ మాల్డాకు చెందిన మామిడి రైతులు కుదేలయ్యారు. వర్షం ధాటికి రూ. 60కోట్లు విలువ గల మామిడి పంట నష్టపోయారు.

బంగాల్​లోని మాల్డాలో గత వారం కురిసిన వడగండ్ల వాన మామిడి రైతులకు తీవ్ర నష్టం మిగిల్చింది. ఊహించని ప్రకృతి విలయానికి రూ.60కోట్లు విలువ చేసే మామిడి పంట వర్షార్పణం అయింది.

"ఈ నెల 19,20న కురిసిన వడగండ్ల వానతో 60వేల మెట్రిక్​ టన్నుల మామిడి పండ్లు ధ్వంసమయ్యాయి. లంగ్రా, గోపాల్​భోగ్​, లక్ష్మణ్​​భోగ్​ రకాలు మరీ దారుణంగా దెబ్బతిన్నాయి. ఇంగ్లీష్​ బజార్​, పాత మాల్డా, రాతువా, కలైచక్​ ప్రాంతాలపై అధికంగా ప్రభావం పడింది."

--- రాహుల్​ చక్రవర్తి, మాల్డా ఉద్యాన- ఫుడ్​ ప్రాసెసింగ్​ విభాగం అసిస్టెంట్ డైరక్టర్​.​

బంగాల్​లోని రకరకాల మామిడి పండ్లకు కేంద్రబిందువు మాల్డా. జిల్లాలోని 31వేల హెక్టార్లలో పండ్లు పండుతాయి. ఇక్కడ ఏటా రూ.600 కోట్ల మామిడి వ్యాపారం జరుతుందని అంచనా. సుమారు 4.5 లక్షల మంది మామిడి వ్యాపారంపైనే ఆధారపడుతున్నారు.

ఇదీ చూడండి:-జనరేటర్​ ద్వారా ఇంట్లోకి విషవాయువు-వ్యక్తి మృతి