బ్యాంక్ వ్యాన్​ లూటీ- ఉగ్రవాదుల పనే!

కశ్మీర్​లో బ్యాంకు వ్యానును కొందరు సాయుధ దుండగులు లూటీ చేశారు. వాహనంపై దాడిచేసి.. రూ. 60 లక్షలు దోచుకుని పరారయ్యారు.

దక్షిణ కశ్మీర్​ షోపియాన్​లో కొందరు సాయుధ దుండగులు భారీ దోపిడీకి పాల్పడ్డారు. జె అండ్​ కె​ బ్యాంక్​​కు చెందిన వాహనంపై తుపాకులతో దాడిచేసి.. తలుపులు బద్దలు కొట్టారు. అందులోని సొమ్ముతో ఉడాయించారు.

దోపిడీ సమయానికి వ్యానులో సుమారు రూ. 60 నుంచి రూ. 80లక్షల నగదు ఉందని బ్యాంకు సిబ్బంది తెలిపారు. ఈ ఘటనపై పోలీసులు దర్యాప్తు చేపట్టారు.

గతంలో ఉగ్రవాదులు ఇదే తరహాలో బ్యాంకులపై దాడులు చేసి, నగదు దోచుకెళ్లారు. ఇది కూడా వారి పనేనని అధికారులు అనుమానిస్తున్నారు.

ఇదీ చదవండి:కశ్మీర్​: 30 ఏళ్లలో 5 వేలకు పైగా రాజకీయ హత్యలు