పెట్రోల్​, డీజిల్​పై లీటరుకు రూ.2 బాదుడు

ఆదాయ మార్గాలు సన్నగిల్లిన నేపథ్యంలో పెట్రోల్​, డీజిల్​ ధరలు పెంచుతున్నట్టు గుజరాత్​ ప్రభుత్వం వెల్లడించింది. ఈ మేరకు లీటరు పెట్రోల్​, లీటరు డీజిల్​పై రూ. 2 చొప్పున​ ధరలను పెంచుతున్నట్టు ప్రకటించింది.

పెట్రోల్​, డీజిల్​పై లీటరుకు రూ.2 చొప్పున ధరలు పెంచుతున్నట్లు గుజరాత్​ ప్రభుత్వం ప్రకటించింది. పెరిగిన ధరలు ఈ అర్ధరాత్రి నుంచే అమల్లోకి వస్తాయని ఆ రాష్ట్ర ఉపముఖ్యమంత్రి నితిన్​ పటేల్​ స్పష్టం చేశారు.

గుజరాత్​లో సోమవారం నాటికి లీటర్ పెట్రోల్​​ ధర రూ. 71.88గా ఉండగా డీజిల్​ ధర రూ 70.12గా ఉంది. తాజాగా.. పెరిగిన రేట్ల ప్రకారం పెట్రోల్​, డీజిల్​ ధరలు వరుసగా రూ. 73.88, రూ 72.12లుగా మారనున్నాయి.

లాక్​డౌన్​ కారణంగా రాష్ట్రంలో ఆదాయ మార్గాలు సన్నగిల్లాయని తెలిపిన నితిన్​.. ఇందులో భాగంగానే చమురు ధరలను పెంచినట్లు పేర్కొన్నారు.

ఇదీ చూడండి:ఎస్​బీఐ కార్డ్​ వినియోగదారులకు ఇక వీకేవైసీ