'దిశ' ఎన్​కౌంటర్​ పోలీసులకు లక్ష రూపాయల విరాళం!

దిశ హత్యాచార నిందితులను ఎన్​కౌంటర్​ చేసినందుకు.. తెలంగాణ పోలీసులకు దేశ నలుమూలల నుంచి అభినందనలు అందుతున్నాయి. ఓ పశువైద్యురాలి పట్ల మృగాళ్లలా వ్యవహరించిన వారిని హతమార్చి గొప్ప పని చేశారని కొనియాడుతున్నారు. ఎన్​కౌంటర్​పై హర్షం వ్యక్తం చేసిన గుజరాత్​లోని ఓ వ్యాపారి తెలంగాణ పోలీసులకు లక్ష రూపాయల విరాళాన్ని ఇస్తానని ప్రకటించాడు.

తెలంగాణ పోలీసు సంక్షేమ నిధికి లక్ష రూపాయల ఆర్థికసాయం ప్రకటించారు గుజరాత్​ భావ్​నగర్​కు చెందిన వ్యాపారి రాజ్​భా గోహిల్. దిశ కేసులోని నిందితులను ఎన్​కౌంటర్ చేసినందుకు గానూ ఈ విరాళం ఇస్తున్నట్లు తెలిపాడు​.

"ఈ రోజు నేను భారత సర్కారు, భారతీయ పోలీసులను చూసి చాలా గర్వపడుతున్నాను. నా భారతీయ సోదరికి న్యాయం జరిగింది. దిశ నిందితులను తుపాకీతో కాల్చి చంపేశారు. ఆ ఎన్​కౌంటర్​ను నేను గౌరవిస్తాను. అందుకే తెలంగాణ పోలీసు సంక్షేమ నిధికి లక్ష రూపాయలు జమ చేస్తాను. హైదరాబాద్​కు వెళ్లి నేనే స్వయంగా ఆ డబ్బు ఇస్తాను. పోలీసులకు సలాం చేస్తాను."
-రాజ్​భా గోహిల్, వ్యాపారి.

ఇదీ చదవండి:అత్యాచార కేసు దోషులు క్షమాభిక్షకు అనర్హులు: రాష్ట్రపతి