తమిళనాడులోని కోయంబత్తూర్లో.. 'కోవై ట్రాన్స్ కిచెన్' పేరుతో హోటల్ తెరిచింది ఓ ట్రాన్స్జెండర్ల బృందం. ఎన్నో రుచికరమైన వంటలను అందిస్తోంది.
తమ లాంటి వారు యాచించడం మాని.. సొంత కాళ్ల మీద నిలబడటం అలవాటు చేసుకోవాలని అన్నారు కోయంబత్తూర్ ట్రాన్స్జెండర్స్ అసోసియేషన్ చీఫ్ సంగీత. ఇదే తరహాలో మరో తినుబండారాల విక్రయ కేంద్రం తెరవనున్నట్టు తెలిపారు.
ఈ హోటల్కు ప్రజల నుంచి విశేష స్పందన లభిస్తోంది.
"నేను సాధారణంగా దక్షిణ భారతంలో పర్యటిస్తూ ఉంటాను. అప్పుడే ఈ హోటల్ గురించి తెలిసింది. నేను భోజన ప్రియుడిని. రుచికరమైన ఆహారాన్ని అందించడం సహా ట్రాన్స్జెండర్లకు వీరు ఉద్యోగాన్ని ఇస్తున్నారు. ఇది ఎంతో మంచి విషయం."
--- కోయంబత్తూర్ వాసి.
హోటల్ను నిర్వహిస్తున్న ట్రాన్స్జెండర్లను సామాజిక కార్యకర్తలు ప్రశంసిస్తున్నారు. ఎన్నో కష్టాలు పడ్డ వారికి ఇది మంచి ప్రారంభమని అభినందిస్తున్నారు.
ఇదీ చూడండి:-ట్రాన్స్జెండర్ల సమానత్వం కోసం జాతీయ మండలి