'మోదీ సంస్కరణలు దొంగతనంతో సమానం'

మోదీ హయాంలో జరుగుతున్న సంస్కరణలు దొంగతనంతో సమానమని కేంద్రంపై తీవ్ర ఆరోపణలు చేశారు కాంగ్రెస్​ అగ్రనేత రాహుల్​ గాంధీ. అందుకే దేశంలో ప్రజాస్వామ్యాన్ని లేకుండా చేయాలని చూస్తున్నారని ధ్వజమెత్తారు.

దేశంలో ప్రజాస్వామ్యాన్ని లేకుండా చేయడమే ఎన్​డీఏ ప్రభుత్వ ఉద్దేశమని ఆరోపించారు కాంగ్రెస్ అగ్రనేత రాహుల్​ గాంధీ. ప్రధాని నరేంద్ర మోదీ పాలనలో జరుగుతున్న సంస్కరణలు దొంగతనంతో సమానమని ట్విట్టర్ వేదికగా ధ్వజమెత్తారు. ప్రజాస్వామ్యంపై నీతి ఆయోగ్​ సీఈఓ అమితాబ్​ కాంత్​ వ్యాఖ్యల నేపథ్యంలో రాహుల్ ఈ ట్వీట్​ చేశారు. ​

"మోదీ సంస్కరణలు దొంగతనంతో సమానం. అందుకే వారు ప్రజాస్వామ్యాన్ని వదిలించుకోవాలని చూస్తున్నారు" అంటూ ట్వీట్​ చేశారు రాహుల్​. ఇందుకు 'టూమచ్​డెమోక్రసీ' హ్యాష్​​ ట్యాగ్​ను జోడించారు.

భారత్‌లో అతి ప్రజాస్వామ్యం ఉన్నందున క్లిష్టమైన సంస్కరణలను అమలు చేయడం కష్టతరం అని అభిప్రాయపడ్డారు అమితాబ్​. సంస్కరణలు తీసుకురావాలంటే రాజకీయ సంకల్పం ఉండాలన్న అమితాబ్.. వ్యవసాయం, గనులు, కార్మిక రంగాల్లో భారత్‌ పలు సంస్కరణలు తీసుకువచ్చిందన్నారు.

ఇదీ చూడండి:'అలా చేయకపోతే చైనాతో పోటీ పడటం కష్టమే'