'ఉద్యోగాలు పోగొట్టారు, దోచుకున్నారు.. మిగిలింది'

కరోనా వైరస్​ వ్యాప్తి కట్టడిలో కేంద్రం విఫలమైందని ఆరోపించారు కాంగ్రెస్ అగ్రనేత రాహుల్​ గాంధీ. ప్రజల ఉద్యోగాలను, కూడబెట్టుకున్న సంపదను లాగేసుకున్నారని ధ్వజమెత్తారు. ఈ వైఫల్యాలు కప్పిపుచ్చుకునేందుకు కేంద్రం తప్పుడు కలలను ప్రజలకు చూపుతోందని విమర్శించారు.

కేంద్రంపై మరోసారి విమర్శలతో విరుచుకుపడ్డారు కాంగ్రెస్​ అగ్రనేత రాహుల్ గాంధీ. ఉద్యోగాలు, పొదుపుచేసుకున్న సొమ్మును ప్రజల నుంచి సర్కార్ లాక్కుపోతోందని ధ్వజమెత్తారు. కరోనా వైరస్​ వ్యాప్తి నియంత్రణలో ప్రభుత్వం విఫలమైందన్నారు. అయినా తప్పుడు కలలను చూపుతూ ప్రజలను మభ్య పెడుతోందని విమర్శించారు.

కరోనా కష్టాల కారణంగా గత 4 నెలల్లో పీఎఫ్​ ఖాతాల నుంచి రూ.30వేల కోట్లను ప్రజలు ఉపసంహరించుకున్నారని ఓ పత్రికలో వచ్చిన ఆర్టికల్​ను జత చేస్తూ హిందీలో ట్వీట్​ చేశారు రాహుల్​. దీనిని ఆధారంగా చూపుతూ కేంద్రంపై విమర్శలు చేశారు.

" ఉద్యోగాలు పోగొట్టారు. కూడబెట్టిన సంపదను లాక్కున్నారు. కరోనాను కట్టడి చేయలేకపోయారు. కానీ తప్పుడు కలలను మాత్రం చూపుతున్నారు"

-రాహుల్​ గాంధీ ట్వీట్​