కస్టమ్స్​ ఆఫీస్​లో కోటి విలువైన బంగారం మాయం!

గుజరాత్​లోని జామ్​నగర్​ కస్టమ్స్​ శాఖ కార్యాలయంలో భారీ దోపిడీ జరిగింది. రూ. కోటి విలువచేసే పసిడి మాయమైనట్టు పోలీసులకు ఫిర్యాదు చేశారు సంబంధిత అధికారులు. ఘటన జరిగిన మూడు దశాబ్దాల అనంతరం ఈ విషయం బయటకు రావడం గమనార్హం.

గుజరాత్​​లోని కస్టమ్స్​ విభాగంలో భారీ లూటీ జరిగినట్టు బయటపడింది. జామ్​నగర్​లోని కార్యాలయంలో రూ.కోటీ 10 లక్షలు విలువైన బంగారం దోపిడీకి గురైనట్టు ఆ శాఖ అధికారులు పోలీసులకు ఫిర్యాదు చేశారు.

1982 -1986 సంవత్సరాల్లో భుజ్​లోని కస్టమ్స్ శాఖ కార్యాలయం శిథిలమైంది. ఫలితంగా ఆ ఆఫీస్​ను అక్కడి నుంచి జామ్​నగర్​కు తరలించారు. ఈ సందర్భంలోనే పసిడి మాయమైనట్టు తెలుస్తోంది.

అధికారుల వివరాల ప్రకారం.. ఘటన జరిగి 34 ఏళ్లు గడిచిన తర్వాత దోపిడీ విషయం వెలుగులోకి రావడం గమనార్హం. ఈ విషయమై విచారణ చేపట్టేందుకు అహ్మదాబాద్​ కస్టమ్స్​ ప్రధాన కార్యాలయం అధికారులు జామ్​నగర్​కు చేరుకున్నారు.

ఈ వ్యవహారంపై పోలీసులు కేసు నమోదు చేసుకుని దర్యాప్తు ప్రారంభించారు.

ఇదీ చదవండి:విధి అడ్డుపడ్డా వివాహం ఆగలేదు- స్ట్రెచ్చర్​పైనే!