పారికర్​ ఆరోగ్యం అత్యంత విషమం

గోవా సీఎం మనోహర్​ పారికర్​ ఆరోగ్యం అత్యంత విషమంగా ఉందని ముఖ్యమంత్రి కార్యాలయం ప్రకటన విడుదల చేసింది. క్లోమగ్రంధి వ్యాధితో ఆయన బాధపడుతున్నారు.

గోవా ముఖ్యమంత్రి మనోహర్​ పారికర్ ఆరోగ్యం​ అత్యంత విషమంగా ఉంది. ఈ విషయాన్ని గోవా ముఖ్యమంత్రి కార్యాలయం ప్రకటించింది. పారికర్​కు వైద్యులు చికిత్స అందిస్తున్నారని తెలిపింది.

63 ఏళ్ల పారికర్​ క్లోమగ్రంధి కాన్సర్​తో బాధపడుతున్నారు. కొంతకాలంగా అది విషమించింది. పలుమార్లు విదేశాల్లో చికిత్సపొందారు పారికర్​. ముంబయి, దిల్లీల్లోని ప్రముఖ ఆసుపత్రుల్లోనూ వైద్యం చేయించుకున్నారు. అనారోగ్యం వల్ల గతేడాది కొంతకాలం తన నివాసానికే పరిమితమయ్యారు పారికర్​.

అధికారంలో కొనసాగేందుకు భాజపాకు మెజారిటీ లేదని, ప్రభుత్వ ఏర్పాటుకు తమకు అవకాశం ఇవ్వాలని కాంగ్రెస్​ పార్టీ శవివారమే గోవా గవర్నర్​కు లేఖరాసింది.