యువతికి బలవంతంగా తాళి కట్టిన ఓ ప్రబుద్ధుడు

కర్ణాటకలో అమానుష ఘటన జరిగింది. ఓ యువతిని కొంతమంది బలవంతంగా లాక్కెళ్లి... కారులో తాళి కట్టారు. ఈ విషయంపై బాధితురాలి తల్లిదండ్రులు పోలీసు స్టేషన్​లో ఫిర్యాదు చేయగా.. ఘటనపై దర్యాప్తు చేస్తున్నారు పోలీసులు.

కర్ణాటక హసన్​ జిల్లాలో అమానుష ఘటన చోటుచేసుకుంది. ఓ యువతిని బలవంతంగా కొంతమంది కారులోకి తీసుకెళ్లి తాళి కట్టారు. డైరీ సర్కిల్​ వద్ద బస్సు కోసం ఎదురు చూస్తున్న సమయంలో ఆమెను అపహరించారా దుండగులు.

వివరాల్లోకి వెళ్తే.. యువతికి వరుసకు బావ అయిన మను అనే వ్యక్తి ఈ చర్యకు పాల్పడినట్లు తెలుస్తోంది. తన అత్త కూతురైన ఆ యువతి వివాహానికి నిరాకరించిందన్న కారణంతోనే అపహరించినట్లు సమాచారం. వదిలేయమని ఎంత బతిమాలుకున్నా వినిపించుకోకుండా బలవంతంగా తాళి కట్టాడట ఆ ప్రబుద్ధుడు.

ఈ విషయంపై బాధితురాలి తల్లిదండ్రులు పోలీసు స్టేషన్​లో ఫిర్యాదు చేశారు. యువతిని మను తన స్నేహితుడి వద్ద దాచినట్లు ఆరోపించారు. కేసు నమోదు చేసిన అధికారులు.. ఘటనపై దర్యాప్తు చేస్తున్నారు.

ఇదీ చదవండి: పవన్​తో సినిమాపై స్పందించిన హరీశ్​ శంకర్