రూ.3 కోట్ల విలువైన వజ్రాలతో కార్మికుల పరారీ

గుజరాత్​ సూరత్​లో సుమారు రూ.3 కోట్లు విలువ చేసే వజ్రాలు చోరీకి గురయ్యాయి. మేనేజర్​కు అప్పగించాల్సిన వజ్రాలను నమ్మకస్థులైన కార్మికులే ఎత్తుకెళ్లిపోయారని తెలిపింది డైమండ్​ ఫ్యాక్టరీ యాజమాన్యం.

గుజరాత్​ సూరత్​లోని డైమండ్ సిటీలో మరోసారి కోట్లు విలువ చేసే వజ్రాలు చోరీకి గురయ్యాయి. వజ్రాల పరిశ్రమలో పనిచేసేవారే వాటిని అపహరించడం తీవ్ర కలకలం రేపుతోంది.

ఖత్రాగామ్​ పరిధి పటేల్ ఫాలియాలోని డైమండ్ ఫ్యాక్టరీలో ఇద్దరు కార్మికులు చాలా కాలంగా విశ్వాసంగా పనిచేస్తున్నారు. అదే నమ్మకంతో 1200 క్యారెట్లకు పైగా ఉన్న 3 వజ్రాలను హెచ్​వీకే సంస్థ మేనేజర్​కు ఇవ్వవలసిందిగా వారి చేతికిచ్చారు నిర్వాహకులు. అదే అదనుగా తీసుకున్న సిబ్బంది వజ్రాలతో పరారయ్యారు.

ఈ వజ్రాల ఖరీదు సుమారు రూ.3 కోట్లు ఉంటుందని తెలిపింది యాజమాన్యం. రంగంలోకి దిగిన పోలీసులు.. సీసీటీవీ దృశ్యాల ఆధారంగా గాలింపు చేపట్టారు.

ఇదీ చదవండి:97ఏళ్ల వయస్సులో సర్పంచ్​.. రాష్ట్ర చరిత్రలో రికార్డు