'కరోనా సవాళ్లు విసిరినా సమయానికే రఫేల్​ రాక'

ఫ్రాన్స్​ రక్షణమంత్రితో రాజ్​నాథ్​ సింగ్​ టెలిఫోన్​ ద్వారా సంభాషించారు. కరోనా సంక్షోభం వల్ల ఎన్నో సవాళ్లు ఎదురైనప్పటికీ.. అనుకున్న సమయానికల్లా రఫేల్​ యుద్ధ విమానాలను భారత్​కు అప్పగించనున్నట్టు ఫ్రాన్స్​ హామీనిచ్చిందని రాజ్​నాథ్​ వెల్లడించారు.

కరోనా వైరస్ ఎన్నో​ సవాళ్లు విసురుతున్నప్పటికీ... రఫేల్​ యుద్ధ విమానాలను అనుకున్న సమయానికే భారత్​కు అందించడానికి కట్టుబడి ఉన్నట్టు ఫ్రాన్స్​ స్పష్టంచేసింది. ఫ్రాన్స్​ రక్షణమంత్రి ఫ్లారెన్స్ పార్లే​తో జరిగిన టెలిఫోన్​ సంభాషణ అనంతరం భారత రక్షణమంత్రి రాజ్​నాథ్​ సింగ్​ ఈ విషయాన్ని వెల్లడించారు.

"ఫ్రాన్స్​ రక్షణమంత్రి ఫ్లారెన్స్​ పార్లేతో టెలిఫోన్​ సంభాషణ జరిపాను. కరోనా సంక్షోభం, ప్రాంతీయ భద్రత సమస్యలపై చర్చతో పాటు ఇరు దేశాల మధ్య ఉన్న ద్వైపాక్షిక రక్షణ సహకారాన్ని మరింత పెంపొందించుకోవాలని అంగీకరించాం. కరోనాపై పోరులో ఫ్రాన్స్​, భారత సైనికుల కృషిని అభినందించాం. కరోనా వైరస్​ ఎన్ని సవాళ్లు విసిరినప్పటికీ.. రఫేల్​న్​ను అనుకున్న సమయానికి కచ్చితంగా భారత్​కు అప్పగిస్తామని ఫ్రాన్స్​ హామీనిచ్చింది."

-- రాజ్​నాథ్​ సింగ్​, భారత రక్షణ మంత్రి.

ఈ ఏడాది జులై చివరి నాటి నుంచి దేశంలో తొలి నాలుగు రఫేల్​ యుద్ధవిమానాలు అందుబాటులో ఉండనున్నాయి. మే నెలలో వీటిని ఫ్రాన్స్​ డెలివరీ చేయాల్సి ఉంది. అయితే కరోనా వ్యాప్తి కారణంగా ఇది వాయిదా పడింది.

36 రఫేల్​ విమానాల కొనుగోలు కోసం 2016 సెప్టెంబర్​లో ఫ్రాన్స్​తో రూ. 60వేల కోట్ల ఒప్పందం కుదుర్చుకుంది భారత్​.

ఇదీ చూడండి:-చైనా తీరు నచ్చట్లేదా.. 'రిమూవ్‌ చైనా యాప్స్'