గణతంత్ర దినోత్సవం రోజున అసోంలో పేలుళ్ల కలకలం

గణతంత్ర దినోత్సవం రోజున అసోంలో గ్రెనేడ్​ పేలుళ్లు కలకలం సృష్టించాయి. దిబ్రుగఢ్​, చరైడియా జిల్లాల్లోని నాలుగు ప్రాంతాల్లో ఈ పేలుళ్లు జరిగాయి. పోలీసులు దర్యాప్తు చేపట్టారు.

దేశవ్యాప్తంగా గణతంత్ర వేడుకలు జరుగుతన్న తరుణంలో అసోంలో బాంబు పేలుళ్లు కలకలం సృష్టించాయి. దిబ్రుగఢ్​, చరైడియా జిల్లాల్లోని పలు ప్రాంతాల్లో నాలుగు గ్రెనేడ్​లు పేలడం ప్రజలను భయభ్రాంతులకు గురిచేసింది.

దిబ్రుగఢ్​ పోలీస్​ స్టేషన్​ పరిధిలోని గ్రాహమ్​ బజార్​, ఏటీ రోడ్​లోని గురుద్వారా ముందు రెండు చోట్ల ఈ పేలుళ్లు జరిగాయి. దిబ్రుగఢ్​ జిల్లాలోని దులియాజన్​ ప్రాంతంలో మరో గ్రెనేడ్​ పేలింది.

చరైడియా జిల్లాలోని సొనారి పోలీస్​ స్టేషన్​ పరిధిలో టియోక్​ ఘాట్​ ప్రాంతంలో మరో గ్రెనేడ్​ దాడి జరిగింది.

సీనియర్​ పోలీసు అధికారులు ఘటనాస్థలాలకు చేరుకుని దర్యాప్తు చేపట్టారు. పేలుళ్లకు సంబంధించిన వివరాలను సేకరిస్తున్నారు. ప్రాణ, ఆస్తి నష్టంపై వివరాలు తెలియాల్సి ఉంది.

ఇదీ చూడండి: దిల్లీలో అట్టహాసంగా గణతంత్ర వేడుకలు