లష్కరే తోయిబాకు సహకరిస్తున్న నలుగురు అరెస్టు

లష్కరే తోయిబా ఉగ్రవాద సంస్థకు సహకరిస్తున్న నలుగురిని జమ్ముకశ్మీర్ బడ్గాం జిల్లాలో అరెస్టు చేశారు భద్రతా సిబ్బంది. వీరి నుంచి భారీగా ఆయుధాలు, పేలుడు పదార్థాలు స్వాధీనం చేసుకున్నారు.

జమ్ముకశ్మీర్​ బడ్గాం జిల్లాలో లష్కరే తోయిబా ఉగ్రవాద సంస్థకు సహకారం అందిస్తున్న నలుగురిని అరెస్టు చేసినట్లు అధికారులు తెలిపారు. వీరిని వసీం గనీ, ఫరూఖ్ అహ్మద్​ దార్, మహ్మద్​ యాసిన్, అజారుద్దీన్​లుగా గుర్తించినట్లు వెల్లడించారు. పోలీసులు, భద్రతా దళాల సహకారంతో వీరిని అదుపులోకి తీసుకున్నట్లు చెప్పారు. ఆయుధాలు, పేలుడు పదార్థాలను భారీగా స్వాధీనం చేసుకున్నట్లు పేర్కొన్నారు.

లష్కరే తోయిబా ఉగ్రవాదులకు ఆయుధాలు సరఫరా చేయడం, ఆశ్రయం కల్పించడం సహా ఇతర కార్యకలాపాల్లో ఈ నలుగురు సహకరిస్తున్నట్లు అధికారులు వివరించారు.