ఛత్తీస్గఢ్ మాజీ ముఖ్యమంత్రి అజిత్ జోగి(74) ఆరోగ్యం విషమించిందని, ప్రస్తుతం ఆయనకు వెంటిలేటర్ మీద వైద్యం అందిస్తున్నామని మంగళవారం వెల్లడించారు వైద్యులు. నాడీ వ్యవస్థ పనితీరు పూర్తిగా పడిపోయిందని, ఆయన కోమాలోనే ఉన్నారని తెలిపారు. గుండెనొప్పి, శ్వాస సంబంధ సమస్యలతో మే 9న జోగి రాయ్‌పూర్‌లోని శ్రీ నారాయణ ఆసుపత్రిలో చేరారు.
" జోగి ఆరోగ్య పరిస్థితి విషమంగా ఉంది. ఆయన ఇంకా కోమాలోనే ఉన్నారు. ఆయన నాడీ వ్యవస్థ పనితీరు పూర్తిగా నిలిచిపోయింది. మెదడు పనితీరును మెరుగుపరచడానికి వైద్యులు ప్రయత్నిస్తున్నారు. ఇయర్ ఫోన్స్‌ ద్వారా ఆయనకు ఇష్టమైన పాటలు వినిపిస్తున్నాం. కానీ ఇంతవరకు ఏ ప్రయోజనం లేదు. గుండె పనితీరు, బీపీ అంతా సరిగానే ఉంది"