గగన్​యాన్​: వ్యోమగాముల కోసం హల్వా, పులావ్​ రెడీ

గగన్​యాన్​ కార్యక్రమం ద్వారా త్వరలో భారత వ్యోమగాములను అంతరిక్షంలోకి పంపేందుకు ఏర్పాట్లు చేస్తోంది ఇస్రో. ఈ నేపథ్యంలో డిఫెన్స్ ఫుడ్ రీసెర్చ్ ల్యాబ్​లో అంతరిక్ష పరిస్థితులకు అనుకూలంగా ఉండే విధంగా ఆహారాన్ని, ద్రవాలను సిద్ధం చేయిస్తోంది.

'గగన్​యాన్'​ పనులను వేగవంతం చేసింది భారత అంతరిక్ష పరిశోధన సంస్థ-ఇస్రో. వ్యోమగాములకు అవసరమైన ఆహారాన్ని డిఫెన్స్ ఫుడ్ రీసెర్చ్​ ల్యాబ్​లో సిద్ధం చేయిస్తోంది.

2022లో ముగ్గురు భారత వ్యోమగాములను అంతరిక్షంలోకి పంపేందుకు ఏర్పాట్లు చేస్తోంది ఇస్రో. ఈ కార్యక్రమానికి సంబంధించి విడిభాగాల తయారీ, సాంకేతిక వ్యవస్థ అభివృద్ధి, వ్యోమగాముల శిక్షణ, అవసరమైన వనరులను సమకూర్చడం వంటి పనులు కొనసాగుతున్నాయి. ఈ నేపథ్యంలో వ్యోమగాములకు అవసరమైన ఆహారాన్ని రక్షణ ఆహార పరిశోధన కేంద్రంలో ప్రత్యేకంగా తయారుచేస్తున్నారు.

గగన్​యాన్ ఆహారం

వ్యోమగాములకు ఎగ్​ రోల్స్, వెజ్ రోల్స్, ఇడ్లీ, వెజ్ పులావ్, హల్వా వంటి పదార్ధాలను అందించనున్నారు. వ్యోమనౌకలో వేడివేడిగా ఆరగించేందుకు ఆహారాన్ని వేడిచేసే హీటర్లను కూడా ఏర్పాటు చేస్తున్నారు.

గురుత్వాకర్షణ శక్తి లేని స్థితిలో మంచినీళ్లు కూడా తేలియాడతాయి. ఈ నేపథ్యంలో నీళ్లు, పళ్లరసాలు వంటి వాటిని తాగేందుకు ప్రత్యేక ప్యాకెట్లు రూపొందించారు.

ఇదీ చూడండి: రూ.58 వేలు విలువైన పరికరం రూ.500కే తయార్!