వరదల్లో విద్యార్థుల ట్రక్ బోల్తా- అంతా సురక్షితం

రాజస్థాన్​లో పాఠశాల విద్యార్థులు ప్రయాణిస్తున్న ట్రక్​ వరదల్లో చిక్కుకుంది. ఒక్కసారిగా నీటిలో బోల్తా పడిన వాహనం నుంచి చిన్నారుల్ని స్థానికులు చాకచక్యంగా రక్షించారు.

రాజస్థాన్​ డుంగర్​పుర్​లో భారీ వర్షాలకు రోడ్లన్నీ నదులుగా మారాయి. వరద ప్రవాహానికి వాహనాలన్నీ ఎక్కడికక్కడే స్థంభించిపోయాయి. డుంగర్​పుర్​, ఉదయపుర్​ మధ్య రాకపోకలు నిలిచిపోయాయి. ఈ పరిస్థితుల్లో దాదాపు 15 మంది బడి పిల్లలు, కళాశాల విద్యార్థులు ప్రయాణిస్తున్న ఓ ట్రక్ పెను ప్రమాదం నుంచి బయటపడింది.

బడిపిల్లలకు వలవేసిన వరదలు

శనివారం వరదల కారణంగా గంటలు గడుస్తున్నా వాహనాలు ముందుకు కదలడం లేదు. ట్రక్​లోని చిన్నారులు వర్షానికి తడిసిపోతున్నారు. విద్యార్థులను త్వరగా ఇంటికి చేర్చాలన్న ఆలోచనతో ట్రక్​ డ్రైవర్​ వరదలోనే వాహనాన్ని ముందుకు నడిపాడు. అదుపుతప్పి ట్రక్​ కుంటలోకి దిగిపోయింది.

కాపాడేందుకు ఏకం...

తీవ్ర భయాందోళనకు గురైన చిన్నారులు కాపాడమంటూ గట్టిగా అరిచారు. స్థానికులు, వాహనదారులు చలించిపోయారు. వర్షాన్ని, వరదను లెక్క చేయక ట్రక్​కు తాడు కట్టి విద్యార్థులను బయటకు రప్పించారు.

ఇక్కడా.. ఇదే పరిస్థితి

భారీ వర్షాల కారణంగా ఇదే జిల్లాలోని కాన్​ల్రా చెరువులోఓ యువకుడు కొట్టుకుపోయాడు. బోడిగామ్​ బడా గ్రామంలోని ఇళ్లన్నీ జలమయం అయ్యాయి. ఘావడీ పులియే వద్ద 10 అడుగుల మేర నిలిచిపోయిన నీటిలో అనేక వాహనాలు చిక్కుకున్నాయి. రాష్ట్ర విపత్తు స్పందన దళం(ఎస్​డీఆర్​ఎఫ్​డీ) రంగంలోకి దిగి సహాయక చర్యలు చేపట్టింది.

ఇదీ చూడండి: 'ఆ రోజు రాత్రి ఒక్క క్షణం కూడా నిద్ర పోలేదు'