కర్ణాటకలో రెండు రోజులుగా కురుస్తోన్న భారీ వర్షాల కారణంగా వరదలు పోటెత్తాయి. దాదాపు 40శాతం వరకు ఉడిపి ప్రాంతం జలమయమైంది. 600కుపైగా ఇళ్లు నీట మునిగాయి. తీవ్ర స్థాయిలో పంటనష్టం వాటిల్లింది. వరదల్లో చిక్కుకున్న వారిని కాపాడేందుకు రంగంలోకి దిగాయి జాతీయ విపత్తు నిర్వహణ బృందాలు(ఎన్డీఆర్ఎఫ్). లోతట్టు ప్రాంతాల ప్రజలను సురక్షిత ప్రాంతాలకు తరలిస్తున్నాయి.
ఉడిపిలో భారీగా ప్రవహిస్తోన్న వరదనీరు.. జలమయమైన లోతట్టు ప్రాంతాలు
వరదల బాధితులకు ఆహారం అందించేందుకు జిల్లా యంత్రాంగం చర్యలు చేపట్టింది. ఈ మేరకు ఆయా ప్రాంతాల్లో ఆహార సరఫరా కేంద్రాలను ఏర్పాటు చేయనుంది.