ఓ వైపు కుమార్తె మృతదేహం.. అంతలోనే కుటుంబానికి ఇలా!

జమ్ముకశ్మీర్​లో ప్రమాదం చోటుచేసుకుంది. కిష్త్వార్​ జిల్లాలో అదుపుతప్పిన ఓ కారు.. లోయలో పడింది. ఈ ఘటనలో ఒకే కుటుంబానికి చెందిన ఐదుగురు మరణించారు.

జమ్ముకశ్మీర్​లో ఘోర రోడ్డు ప్రమాదం జరిగింది. కిష్త్వార్​​ జిల్లాలో ఓ కారు అదుపుతప్పి లోయలో పడి.. ఒకే కుటుంబానికి చెందిన ఐదుగురు దుర్మరణం చెందారు. కుమార్తె మృత దేహాన్ని అంత్యక్రియల నిమిత్తం స్వగ్రామానికి తీసుకెళ్తుండగా ఈ ఘటన చోటుచేసుకుంది. పానీ నల్లా సమీప ప్రాంతంలో డ్రైవరు నియంత్రణ కోల్పోగా కారు లోయలో పడింది.

ప్రమాదంలో మరణించిన వారికి కాంగ్రెస్​ సీనియర్​ నేత, మాజీ మంత్రి జీఎం సరూరి సంతాపం తెలిపారు. దోడా, కిష్త్వార్​, తదితర జిల్లాల్లో రోడ్డు ప్రమాదాలు ఎక్కువగా సంభవిస్తుండటంపై ఆందోళన వ్యక్తం చేశారు.

ఇదీ చూడండి:జీరో ఎఫెక్ట్​: దిల్లీ కాంగ్రెస్ అధ్యక్షుడు రాజీనామా