కర్ణాటకలోని దక్షిణ కన్నడ జిల్లాలో భారీ అగ్ని ప్రమాదం సంభవించింది. జిల్లాలోని విట్లా టౌన్ ఆర్టీసీ బస్టాండ్ సమీపంలో మంగళవారం ఉదయం జరిగిన ఈ అగ్ని ప్రమాదంలో రెండు దుకాణాలు పూర్తిగా దగ్ధమయ్యాయి.
తొలుత ఓ హార్డ్వేర్ దుకాణంలో చెలరేగిన మంటలు పక్కనే ఉన్న బేకరీకి అంటుకున్నాయి. ప్రమాదం గురించి భవన యజమానికి స్థానికులు సమాచారం ఇవ్వగా.. మంటలను అదుపు చేసే చర్యలు మొదలు పెట్టే సరికే.. షాపులు పూర్తిగా మంటలకు ఆహుతైనట్లు స్థానికులు తెలిపారు.