కొవిడ్​ ఆస్పత్రిలో భారీ అగ్ని ప్రమాదం

ఒడిశాలోని కొవిడ్​ ఆసుపత్రిలో భారీ అగ్ని ప్రమాదం జరిగింది. తక్షణమే రంగంలోకి దిగిన అగ్నిమాపక సిబ్బంది.. మంటలను అదుపులోకి తెచ్చారు. అయితే.. ప్రమాదానికి గల కారణాలు తెలియరాలేదు.

ఒడిశాలోని కటక్​లో భారీ అగ్ని ప్రమాదం సంభవించింది. జగత్పుర్​లోని సద్గురు కొవిడ్​ ఆసుపత్రిలో మంటలు చెలరేగాయి. సహాయక చర్యలు చేపట్టిన అగ్నిమాపక సిబ్బంది.. తీవ్రంగా శ్రమించి మంటలను ఆర్పి వేశాయి. అయితే.. ప్రమాదానికి గల కచ్చితమైన కారణాలు తెలియరాలేదు.

ఆసుపత్రి భవనంలో గల గ్రౌండ్​ ఫ్లోర్​లో పెద్దఎత్తున మంటలు చెలరేగగా.. ప్రమాద సమయంలో ఆసుపత్రిలో మొత్తం 152 మంది ఉన్నట్టు తెలుస్తోంది.

అయితే.. అదే ఆసుపత్రిలో 127 మంది కరోనా బాధితులు చికిత్స పొందుతున్నారు. ఐసీయూలో ఉన్న 24 మంది రోగులను వేరొక వైద్యశాలకు తరలించారు.

ఇదీ చదవండి:శిక్షణ విమానం కుప్పకూలి పైలట్ మృతి