యూపీలో రెండు వేర్వేరు చోట్ల భారీ అగ్నిప్రమాదం

ఉత్తర్​ప్రదేశ్​లోని నొయిడాలో రెండు వేరు వేరు ప్రదేశాల్లో భారీ అగ్నిప్రమాదం సంభవించింది. తక్షణమే స్పందించిన అగ్నిమాపక సిబ్బంది మంటలను అదుపులోకి తీసుకొచ్చారని అధికారులు తెలిపారు.

ఉత్తర్​ప్రదేశ్​ నొయిడాలో రెండు వేర్వేరు వ్యాపార సంస్థల్లో భారీ అగ్నిప్రమాదం సంభవించింది. నగరంలోని ఫేజ్​-3 ప్రాంతంలో తెల్లవారుజామున 2 గంటల ప్రాంతంలో ఓ పరుపుల ఉత్పత్తి కంపెనీలోని నాలుగంతస్తుల భవనంలో భారీ ఎత్తున మంటలు చెలరేగాయి. ఉవ్వెత్తున ఎగసిపడుతున్న మంటలను అదుపుచేసేందుకు అగ్నిమాపక సిబ్బంది తీవ్రంగా శ్రమించారు.

నొయిడాలోని ఫేజ్​-2 ప్రాంతంలో తెల్లవారుజామున 2:30 గంటల సమయంలో షాట్ సర్క్యూట్​ వల్ల మరో అగ్ని ప్రమాదం సంభవించింది. శానిటైజర్​ తయారీ కంపెనీలో మంటలు చెలరేగాయి. తక్షణమే ఘటనా స్థలానికి చేరుకొన్న అగ్నిమాపక దళాలు.. మంటలను అదుపులోకి తెచ్చాయి.

ఇదీ చదవండి:ఉత్తర్​ప్రదేశ్​లో వరుణుడి బీభత్సం.. 43 మంది మృతి