ఔరా: 'సూపర్​ క్రికెటర్'​ 15 రోజుల్లోనే సిద్ధం!

కేరళలోని ఓ కళాకారుల బృందం క్రికెట్​పై ఉన్న అభిమానంతో ఆటగాళ్ల ఫైబర్ విగ్రహాలు రూపొందిస్తోంది. ఈ కళాఖండాలు క్రికెట్ ప్రేమికులను, కళారాధకులను విపరీతంగా ఆకర్షిస్తున్నాయి.

క్రికెట్​... భారతీయుల అభిమాన క్రీడ. కేరళ కలూరు ప్రాంతంలో ఉండే కేఎమ్ విపిన్​కు అయితే ప్రాణం. "అమేయా ఆర్ట్స్"​ యజయాని అతడు. అందుకే క్రికెట్​పై అభిమానానికి, కళా ప్రతిభకు ముడిపెట్టాడు. తన బృందంతో కలిసి క్రికెటర్ల ఫైబర్ విగ్రహాలు అద్భుతంగా రూపొందిస్తున్నాడు.
ఇలా తయారుచేస్తారు

విపిన్ బృందం మొదటగా కొలతలకు తగ్గట్టుగా మట్టితో విగ్రహాలు తయారుచేస్తారు. తరువాత ప్లాస్టర్ ఆఫ్​ పారిస్​తో అచ్చుతీస్తారు. దానిలో పీచు పదార్ధాలు నింపుతారు. భారత క్రికెట్​ జట్టు జెర్సీని సూచించేలా నీలిరంగు దుస్తులు, బ్యాట్​తో విగ్రహాలకు తుదిరూపునిస్తారు. ఇదంతా చేయడానికి వారికి సుమారు 15 రోజులు పడుతుంది. ఒక్కో విగ్రహం తయారీకి రూ.50 వేలు వరకు ఖర్చు అవుతుంది.

"క్రికెట్​ ప్రపంచకప్ కారణంగా ఈ మధ్య విగ్రహాలకు గిరాకీ పెరిగింది.​ ఇప్పుడే కాదు ఫుట్​బాల్​ ప్రపంచకప్​ జరిగినప్పుడూ విగ్రహాలు తయారు చేశాం. ఇక్కడ క్రికెట్​ ప్రేమికులు చాలా ఎక్కువ. డిమాండ్​ ఎక్కువ ఉంది. ఈ ఫైబర్​ విగ్రహాల ధర కొంచెం ఎక్కువ. ఫైబర్​ ఒకటే కాదు పోలీ, థర్మాకాల్​, ప్లాస్టర్​ ఆఫ్​ ప్యారిస్ సాయంతోనూ విగ్రహాలు తయారు చేస్తాం. "
- విపిన్​, అమేయా ఆర్ట్స్​​ యజమాని

అద్భుతాలు కొత్తేంకాదు

ప్రత్యేక శిల్పాలతో ప్రజల దృష్టిని ఆకర్షించడం ఈ కళాకారులకు కొత్తేమీ కాదు. ఇంతకుముందు 20 అడుగుల సీతాకోకచిలుక, మెరైన్ డ్రైవ్​లో ఇండియా గేట్​ రూపొందించారు.

ఇదీ చూడండి: కశ్మీర్​కు భారీగా కేంద్ర బలగాల తరలింపు