నాన్నల దినోత్సవం నాడే సమాజం తలదించుకునే పని చేశాడో వ్యక్తి. ఏడిస్తే బుజ్జగించి, తన చేతులతో ఆ చిన్నారి భవిష్యత్తును తీర్చిదిద్దాల్సిన ఆ తండ్రే కిరాతకుడయ్యాడు. ఎత్తుకొని లాలించడం మానేసి.. దారుణంగా కొట్టి మంచం పైనుంచి విసిరేశాడు. కేరళలోని అంగమల్లో జరిగిన ఈ ఘటనలో.. 54 రోజుల ఆ పాపాయి క్లిష్ట పరిస్థితుల్లో ఆసుపత్రిలో చికిత్స పొందుతోంది.
బిడ్డను కొట్టిన తండ్రి షైజూ థామస్.. తాను కొట్టలేదని, కిందపడి గాయాలయ్యాయని బుకాయించాడు. నిందితుడి భార్య ఇచ్చిన ఫిర్యాదు మేరకు పోలీసులు కేసు నమోదు చేసుకొని దర్యాప్తు చేపట్టగా.. అతడే కొట్టినట్లు తేలింది.