09:12 December 18
చెన్నైలో డీఎంకే నిరసన..
సాగు చట్టాలకు వ్యతిరేకంగా నిరసన చేస్తున్న రైతులకు మద్దతుగా నిలిచింది డీఎంకే పార్టీ. వారికి సంఘీభావంగా చెన్నైలో డీఎంకే, ఆ పార్టీ మిత్రపక్షాలతో కలిసి నిరాహార దీక్ష చేపట్టింది. డీఎంకే అధ్యక్షుడు ఎంకే స్టాలిన్ సహా పలువురు నేతలు దీక్షలో పాల్గొన్నారు.
నిరసన చేస్తున్న రైతులను జాతి వ్యతిరేకులుగా కేంద్రం పేర్కొనడాన్ని స్టాలిన్ ఖండించారు. రైతులకు తాము మద్దతుగా ఉంటామని స్పష్టం చేశారు.
08:46 December 18
దిల్లీ సరిహద్దుల్లో 23వ రోజు రైతుల ఆందోళన
చట్టాలను వెనక్కితీసుకోవాల్సిందే..
కేంద్ర ప్రభుత్వం తీసుకొచ్చిన వ్యవసాయ చట్టాలకు వ్యతిరేకంగా రైతులు నిరసన కొనసాగిస్తున్నారు. ఎముకలు కొరికే చలిలోనూ అన్నదాతలు తమ పోరాటం చేస్తున్నారు. దిల్లీ-హరియాణా సరిహద్దుల్లోని సింఘూ, టిక్రీ, ఘాజిపుర్ రహదారులపై బైఠాయించిన రైతులు.. నరేంద్ర మోదీ ప్రభుత్వానికి వ్యతిరేకంగా నినాదాలు చేస్తున్నారు. కొత్త సాగు చట్టాలను వెనక్కి తీసుకోవాలని డిమాండ్ చేస్తున్నారు.
