ఫడణవీస్: అత్యంత తక్కువకాలం పనిచేసిన 'సీఎం'

మహారాష్ట్రలో అత్యంత తక్కువ కాలం పని చేసిన సీఎంగా దేవేంద్ర ఫడణవీస్ నిలిచారు. 1963లో మాజీ ముఖ్యమంత్రి పీకే సావంత్ 9 రోజుల పాటు పదవిలో ఉన్నారు. అంతకంటే 5 రోజులు తక్కువగా కేవలం నాలుగు రోజులే ముఖ్యమంత్రిగా బాధ్యతలు నిర్వర్తించారు ఫడణవీస్​.

మహారాష్ట్రలో అత్యంత తక్కువ కాలం పనిచేసిన ముఖ్యమంత్రిగా దేవేంద్ర ఫడణవీస్​ చరిత్రకెక్కారు.

59 ఏళ్ల మహారాష్ట్ర రాజకీయాల్లో కేవలం 4 రోజులు ముఖ్యమంత్రిగా ఉన్నారు ఫడణవీస్​. పూర్తి మెజారిటీ లేకున్నా ఎన్సీపీ నేత అజిత్​ పవార్​ సహకారంతో అనూహ్య రీతిలో నవంబర్​ 23న ముఖ్యమంత్రిగా ప్రమాణ స్వీకారం చేశారు​. ఆ తర్వాత వరుస పరిణామాల నేపథ్యంలో అజిత్​ పవార్​ వెనకడుగు వేయటం వల్ల నాలుగో రోజే ఫడణవీస్ రాజీనామా చేయాల్సి వచ్చింది.

చెరిగిన పీకే సావంత్ రికార్డు

ఫడణవీస్​ కన్నా ముందు ఈ రికార్డు మాజీ సీఎం పీకే సావంత్​ పేరిట ఉంది. 1963లో అప్పటి ముఖ్యమంత్రి మరాఠ్​రావ్​ కన్నమ్​వార్​ మృతి కారణంగా సావంత్​ ఆపద్ధర్మ సీఎంగా కొనసాగారు. నవంబర్​ 25 నుంచి డిసెంబర్​ 4 వరకు ఆయన ముఖ్యమంత్రిగా ఉన్నారు.

ఇదీ చూడండి: 'మహా' పరీక్షకు ముందే ఫడణవీస్​ 'మిడిల్​ డ్రాప్​'